Левандовски Месси ва Роналдунинг натижасини такрорлади
08 фев 11:05
Янгиликлар
Левандовски Месси ва Роналдунинг натижасини такрорлади
Манба маълумотига кўра, Левандовски 2025/2026 йилги Ла Лига мавсумида 10 та гол урди. Шу тариқа у XXI асрда Европанинг кучли бешта чемпионатида кетма-кет 15 мавсум давомида икки хонали голлар сонига етган учинчи футболчига айланди. Бунгача бундай натижага Криштиану Роналду (16 мавсум) ва Лионель Месси (15 мавсум) эришган. Роналду бу натижани Англия Премьер-лигасида ("Манчестер Юнайтед"), Ла Лигада ("Реал") ва Италия А Сериясида ("Ювентус") қайд этган. Месси эса Испания чемпионатида ("Барселона") ва Франция Лигасида ("ПСЖ") ушбу натижани кўрсатган.
Маълумот учун, польшалик ҳужумчи мазкур ютуқни Ла Лиганинг 23-туридан ўрин олган "Мальорка"га қарши баҳсда (3:0) киритган голи орқали қайд этди.
Левандовски "Барселона" сафида 2022 йил ёзидан буён тўп суриб келмоқда. У бунга қадар "Бавария" ҳамда Дортмунднинг "Боруссия" жамоаларида фаолият юритган. Жорий мавсумда ҳужумчи барча мусобақаларда 28 та учрашувда иштирок этиб, 13 та гол ва 3 та голли узатмага муаллифлик қилган.
Ўхшаш янгиликлар
championat.asia
Суперлига. "Пахтакор" ўз майдонида "Қизилқум"ни мағлуб этди
ЕЧЛ 1/8 финал босқичига қуръа ташланди: "Реал" яна "Сити" билан ўйнайди
ЕЧЛ. "Реал Мадрид" ўзини ўтиш ўйинларида ўйнашга мажбур қилган "Бенфика"ни мағлуб этиб, нимчорак финалга йўлга олди
Суперлига. Кападзе "Навбаҳор"даги дебютида Самарқандда "Динамо"ни енгди
Фикрлар