Пенальти бор эди! (Ф.Р. блоги)

Бироз аввал "Навбаҳор" вакилларининг хунук ишлари ҳақида материал чиқардик. Ваъда қилганимиздек, энди ўша эпизод ҳақида...

Пенальти бормиди? (Қуйида бир неча кишининг фикрларини келтирамиз)

Диёр Имомхўжаев бу ҳақда аллақачон ёзди: "Ҳар қандай мамлакатда футбол қоидага қараб ўйналади, мухлисга қараб эмас". 

Шу гап рост бўлса, ўша вазият 100 фоизлик пенальти эди. Факт шу: оёқлар ўртасида "контакт" бор эди; "Навбаҳор" ўйинчиси тўпга эмас, Рашидовнинг товонига тегди.

Бундан ташқари, мухлислар айблаётган Норсафаров ўша вазиятда пенальти қўймаслик учун ҳамма нарсани қилди, 11 метрлик нуқтани кўрсатишга қўрқди. У ўйинни давом эттирмоқчи эди, аммо ВАР тўхтатди. 27 ёшли рефери вазиятга узоқ тикилиб қолганининг сабаби ҳам унинг журьатсизлиги эди. Фирдавс Норсафаров пенальти белгилашга қўрққани учун вазиятни қайта-қайта кузатди, кейин орқароқдаги эпизодларга мурожаат қилиб, оффсайд ва Сардорнинг қўл ҳаракатини ҳам текшириб кўрди. Бироқ, Норсафаров истаса ҳам, истамаса ҳам пенальти бор эди! Рашидов ишлади.

Вазиятга тажрибали шарҳловчи Хайрулла Ҳамидов ҳам реакция билдиришга улгурди: 

Сўзимиз охирида ўйиндан кейин ҳакамларга ташланган кишиларга юзланамиз. Виждонан айтинг, ўша эпизод нариги дарвоза олдида рўй берса ҳам, ҳозирги фикрингизда қолармидингиз?

Уят! "Навбаҳор" расмийларининг хунук "қилиқлари"ни томоша қилинг