AGMKning g'alabasidan keyin kayfiyat zo'r edi. Afsuski, uzoqqa cho'zilmadi - Namangandan olingan "issiqqina" videolavhalar tufayli. Marhamat, siz ham tomosha qiling.
Keling, hakam va muxlislarning harakatlariga baho berishni keyinroqqa qoldirib, mezbon jamoa rasmiylariga to'xtalaylik. Bunaqa vaziyatlarda tinchlanib, muxlislarniyam xotirjamlikka chorlashi kerak bo'lgan personallar o'yin davomida nima bilan band edi? Javob shunday:
Kimdir maydondan "haromdan bo'lgan" kishini qidirdi, kimdir Cheranning onasiga sevgisini izhor qilgan bo'lsa, allakim uning "(beg'ar)azligi"ni yuziga soldi... Videoda jazavaga tushgan bazilarning futbolchilarga tashlangani, kiyinish xonasiga qadar taqib qilgani ham ko'ringan.
Bu harakatlarni hech qanaqasiga oqlash mumkin emas. Biz ko'rgan lavhalarni futbolimiz mutasaddilari ham ko'rganini inobatga olsak, tez orada ularga nisbatan jiddiy chora ko'rilishini taxmin qilish qiyin emas. Zero, O'zPFL rasmiylari allaqachon vaziyatga reakciya bildirishga ulgurdi:)
Reglament nima deydi?
Musobaqalarni o'tkazish reglamentining 18-bobi "Futbol klublari, klublar rahbarlari va futbolchilarning majburiyati", deb nomlangan va undan quyidagi qoidalar o'rin olgan:
18.1. Futbol klublari o'zlarining ushbu Reglamentda belgilangan
majburiyatlarini bajarmaslik yoki lozim darajada bajarmaganligi uchun
javobgar hisoblanadi.
18.2. Futbol klublari, klublar rahbarlari, rasmiy shaxslari,
futbolchilar va klublarning musobaqalarda ishtirok etuvchi boshqa
xodimlari (keyingi o'rinlarda - klub rasmiy shaxslari) yuqori darajadagi
intizom, tartiblilik, uyushqoqlik, o'zaro va tomoshabinlarga nisbatan
hurmatni namoyish etib, ushbu Reglamentning barcha talablariga rioya
qilishlari shart.
18.3. Klub o'z jamoasi a'zolarining xulq-atvori uchun bevosita
mas'uldir. Ular uchrashuv komissari, inspektori va hakamlarining (keyingi
o'rinlarda - uchrashuv rasmiy shaxslari) harakatlariga aralashishi
taqiqlanadi.
18.4. Futbol klublari o'zlarining tomoshabinlari (jamoa
muxlislari), shuningdek, klub nomidan biror-bir uchrashuvda muayyan
vazifani bajarayotgan har qanday shaxs xulqi uchun ham javobgardir...
