"Пахтакор" Туркиядаги биринчи назорат ўйинида йирик ғалабани қўлга киритди

Озарбайжон Суперлигаси иштирокчисига қарши учрашувда ташаббусга эришган "шерлар" йирик натижа билан ғалаба қозонишди. Аҳмедов тўпни рақибдан олиб қўйгач, дарвозани ишғол қилган бўлса, Симич Канюкнинг жаримадан оширган тўпини дарвозага аниқ йўналтирди. Меҳмонлар биринчи бўлимда бунга бир гол билан жавоб беришди.

Танаффусдан сўнг тўп яна рақибдан олиб қўйилгач, бу сафар Ўринбоев зафар қучди. Искандеров эса майдон маркази атрофидан белгиланган жарима зарбасидан тўпни дарвозага йўллади.

Ўртоқлик учрашуви
"Пахтакор" - "Сабаил" - 4:1 (2:1)
Голлар: А.Аҳмедов, М.Симич, З.Ўринбоев, Ж.Искандаров

"Пахтакор": Лобанов, Алижонов, Тожиев, Симич (Эрмаматов), Юсупов, Нуруллаев, Аҳмедов (Саъдиллаев), Безерра (Исматуллаев), Канюк (Искандеров), Каримов (Иброҳимов), Ўринбоев.