Ўзбекистон ёшлар терма жамоаси футболчиларини жаримага тортиш тўғрисида
11 апр 2016 12:21
Янгиликлар
Ўзбекистон ёшлар терма жамоаси футболчиларини жаримага тортиш тўғрисида
Тошкентнинг “Пахтакор” клубига тегишли Самарқанднинг “Динамо” жамоасида ижара асосида тўп тепаётган Достон Ибрагимов ва Саиджамол Давлетжановлар тартиб-интизом кодексининг бир неча бандларини бузганлиги сабабли 1 миллион сўмдан жаримага тортилди.
Давлетжанов ва Ибрагимовлар шу йили 23-30 март кунлари ўтказилган Ўзбекистон U-19 терма жамоасининг йиғинидан ўзбошимчалик билан кетиб қолганлиги ҳақидаги бош мураббий Жасур Абдураимов тақдим этган рапорт жаримага асос бўлади.
Шу билан бирга ёшлар терма жамоасига номзод бўлган “Пахтакор” футбол клуби ўйинчиси Жамшид Юсуповга терма жамоанинг бир қатор йиғинларига 2-3 кунга сабабсиз кечикиб келганлиги учун 500 минг сўм миқдорида жарима солинди.
Жаримага тортиш ҳақидаги қарор Ўзбекистон Футбол Федерациясининг Тартиб-интизом қўмитаси томонидан қабул қилинди.
Жарималар кор қилмаган тақдирда Достон Ибрагимов, Саиджамол Давлетжанов ва Жамшид Юсуповлар муайян муддатга футболчилик лицензиясидан маҳрум қилиниши мумкинлиги ҳақида огоҳлантирилди.
Ўхшаш янгиликлар
championat.asia
Суперлига. "Бобур Арена"да 5 та гол урилган баҳсда ОКМК камбэк қайд этди
Тимур Кападзе: "Олимпиада вақтида биз футбол эмас, бошқа ташвишлар ҳақида кўпроқ ўйлашга мажбур бўлдик"
Ўртоқлик учрашуви. «Эл-Класико»да «Барселона» «Реал Мадрид»ни минимал ҳисобда мағлуб этди
Суперлига. "Металлург" ва "Локомотив" иккинчи даврани дуранг билан бошлади
Фикрлар