Bahodir Ahmedov boshchiligidagi futzalchilarimiz sentyabr oyida Litvada o'tadigan Jahon chempionatiga tayyorgarlik doirasida 27 avgust kuni Portugaliya bilan kuch sinashishadi.
Eslatib o'tamiz, Litvadagi Jahon chempionati 12 sentyabrdan 3 oktyabrga qadar bo'lib o'tadi. O'zbekiston terma jamoasi Rossiya, Gvatemala va Misr bilan birga "B" guruhida ishtirok etadi. Portugaliya esa Tailand, Marokash va Solomon orollari bilan "C" guruhidan joy olgan.
Ma'lumot uchun, Portugaliya terma jamoasi 2016 yilgi Jahon chempionatida yarim finalga qadar yetib borgan va uchinchi o'rin uchun bahsda Eronga penaltilar seriyasiga yutqazib qo'ygandi. O'sha mundialda O'zbekiston Portugaliya bilan guruh bosqichida to'qnash kelgan va 1:5 hisobida mag'lub bo'lgan edi.
