"Ochig'i, Kannavaro biz uchun sirli murabbiy. Uning murabbiylik tarixini o'rganar ekanmiz, u ko'p yutuqlarga erishmaganini tushunamiz. Gap nafaqat unvonlar, balki futbolning o'zi haqida ham. Aslida olganda, uni ko'pchilik buyuk futbolchi sifatida eslaydi. Federatsiya qaror qabul qilayotganda qanday mezonlarga asoslanib qaror qilganini bilmayman. Qolaversa, biz ko'proq hujumkor futbolga e'tibor qaratganmiz. Menimcha, Kannavaro bizga nimadir bera oladi deb o'ylamayman.
Boshqa tomondan, biz ham Srechko Katanetsning tayinlanishiga shubha bilan qaragandik, ammo yakunda hammasi joyida bo'ldi. Jahon chempionatida bizga qanday vazifa qo'yilgani hali ma'lum qilinmadi. Ammo guruhdan chiqish jamoa uchun omadli bo'lardi. Pley-off bosqichini maqsad qilmasdan turib turnirga borishdan mano yo'q", - deb fikr bildirdi Jafar Irismetov.
