Ўзбекистон МТЖ Қирғизистон чемпионини йирик ҳисобда мағлуб этди

Терма жамоамиз октябрь ойида бўлиб ўтадиган Осиё чемпионати саралаш баҳсларига тайёргарлик кўришмоқда. Ана шу йиғин доирасида бугун Қирғизистоннинг амалдаги чемпиони "Эрем" клубига қарши иккинчи назорат ўйини ўтказилди. Учрашувда Баҳодир Аҳмедов шогирдлари рақиб дарвозасига жавобсиз олтита тўп киритишди. Эслатиб ўтамиз, 22 июлда ташкиллаштирилган биринчи ўйинда терма жамоамиз 6:5 ҳисобида зафар қучган эди.

Назорат ўйини

24.07.2019

Ўзбекистон - "Эрем" (Қирғизистон) 6:0

Голлар: Д.Жумаев 2, 33, Д.Шавкатов 20, С.Жўраев 41, Д.Иброҳимов 48, 51

Ўзбекистон МТЖ: Дарвозабонлар: Акмалжон Ҳазратқулов ("Пахтакор"), Ислом Миралиев ("Бунёдкор").

Футзалчилар: Суннатилла Жўраев ("Насаф"), Муҳаммад Зоиров ("Пахтакор"), Аваз Абдувалиев ("Пахтакор"), Лазиз Убайдуллаев ("Динамо"), Ботир Ризаев ("Максам-Чирчиқ"), Шохзод Саъдиев ("Динамо"), Дилмурод Шавкатов ("Пахтакор"), Ҳусан Ғаниев ("Навбаҳор"), Аҳмадхон Мамадалиев ("Навбаҳор"), Исохон Ибрагимов ("Навбаҳор"), Дилмурод Жумаев ("Сўғдиёна"), Давлат Иброҳимов ("Динамо"), Абдулла Солихов ("Локомотив"), Равшан Исматуллаев ("Динамо").

Огоҳлантириш: Д.Иброҳимов 50

Таъкидлаш жоиз, ушбу йиғин 26 июль санасига қадар давом этади. Сўнгги ўйин 26 июлда АГМК клубига қарши ташкил этилади.