Yig'in davomidagi ilk o'rtoqlik uchrashuvi bugun – 13 iyul kuni bo'lib o'tishi kerak edi. Futbolchilarimiz Chexiyaning "Yablonec" klubiga qarshi maydonga tushishlari reja qilingandi. Ushbu uchrashuv, Avstryaning Enbax shahrida bo'lib o'tishi va mahalliy vaqt bilan 18:00da (Toshkent vaqti bilan 21:00da) boshlanishi kelishib olingan edi.
Ammo qattiq yomg'ir tufayli o'yin bekor qilindi.
Klub rasmiy saytida yozishilicha, noqulay ob-havo sharoiti tufayli tomonlar o'zaro kelishgan holda, shu qarorga kelgan.Nima ham qila olardik, ob-havo bizga pand berdi. Bunday sharoitda uchrashuvni o'tkazish futbolchilar salomatligini xavfda qoldirish demakdir. Aynan shu sabab o'yinni bekor qildik, - deydi "Yablonec" murabbiyi Zdenko Frtala.
Ta'kidlab o'tamiz, “Yablonec” Avstriya yig'ini doirasida Angliyaning nomdor jamoasi “Everton”ga qarshi o'rtoqlik uchrashuvi o'tkazishni ham reja qilgan.
