Ўзбекистон мезбонлигидаги футзал бўйича ЖЧ ўйинларининг бошланиш вақти белгиланди

Деярли барча баҳслар маҳаллий вақт билан 17:30 ёки 20:00 да бошланади. Фақат дастлабки икки кунда биттадан ўйин соат 15:00 да старт олади.

Икки ярим финал ва финал 20:00 да бошланиши режалаштирилган.

14 сентябрдан 6 октябрга қадар ўтказиладиган мундиалга Тошкентдаги "Ҳумо Арена", Бухоро ва Андижон вилоятларидаги "Универсал" спорт мажмуалари мезбонлик қилади.

Хосе Венансио Лопес мураббийлигидаги Ўзбекистон терма жамоаси гуруҳ босқичидаги барча учрашувларни потахтдаги "Ҳумо Арена" спорт мажмуасида ўтказади. 

Жумладан, ҳамюртларимиз 14 сентябрь куни Нидерлания, 17 сентябрь куни Парагвай ва 20 сентябрь куни Коста-Рикага қарши майдонга тушади.

"Оқ бўрилар" гуруҳда биринчи ёки иккинчи ўрин билан кейинги босқичга чиққан тақдирда ҳам 1/8 финал ўйинини Тошкентда ўтказади. Фақатгина гуруҳда 3-ўринни эгаллаган жамоа плей-оффга йўл олган тақдирда, Бухорога сафар уюштиради.

14 сентябрь

Ўзбекистон – Нидерландия

"Ҳумо Арена". 20:00

17 сентябрь

Ўзбекистон – Парагвай

"Ҳумо Арена". 20:00

20 сентябрь

Коста Рика – Ўзбекистон 

"Ҳумо Арена". 20:00

Ушбу ҳавола орқали тўлиқ тақвим билан танишиш имконига эгасиз.