UZ

Сўнгги янгиликлар

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

Ўзбекистон - КХДР учрашувини Олмалиққа кўчирсак бўлмайдими? Янгиликлар

Ўзбекистон - КХДР учрашувини Олмалиққа кўчирсак бўлмайдими?

Хабарингиз бор, 5 сентябрь куни Ўзбекистон миллий терма жамоаси Жаҳон чемпионати саралаши доирасида КХДРга қарши ўйнайди.

ОФК куни кеча мазкур баҳс "Бунёдкор" стадионида ўтиши ҳақида эълон қилди. Бироқ "Бунёдкор" стадионида ўтаётган охирги учрашувлардан кўриниб турибдики майдон бунчалик кўп ўйинларга дош бера олмаяпти. Шахсан ўзим иккинчи давра бошидан буён "Бунёдкор" стадионидаги учала ўйинга ҳам бориб расм олдим. Тўғриси майдонга ҳам, футболчиларга ҳам раҳмим келди.

5 сентябрга қадар бу стадионда яна иккита ўйин бўлиб ўтар экан:
23 август "Локомотив" - "Қизилқум"
25 август "Бунёдкор" - ОКМК

Куни кеча ўтган "Бунёдкор" - "Пахтакор" учрашувида меҳмонлар ярим ҳимоячиси Иброҳим Ибрагимов айнан майдон туфайли жароҳат олганини кўпчилик эшитди.

Стадион ходимлари ҳар қанча зўр ишлашмасин ҳар ҳафтада иккитадан ўйин бўлаверса дунёдаги деярли ҳеч бир табиий майдон бунга дош бера олмайди. Шундай экан, КХДРга қарши сентябрь ойидаги баҳсни Олмалиқ шаҳридаги ОКМК стадионига кўчирсак нима бўлади?

Жаҳон чемпионати саралашининг бу босқичида ҳар бир очко ва ҳар бир гол жуда ҳам катта аҳамиятга эга эканини ўзбекистонлик футбол мухлислари яхши билишади. Шу боис, КХДР билан ўйинни идеал майдонда ўтказиб, саралаш босқичини 3 очко билан бошлаш шарт. Футболчиларимиз ҳам рақиб, ҳам майдон билан курашмасликлари керак.

Хўш, стадионни ўйинга қанча вақт қолганида ўзгартириш мумкин? Аслида ЎФА 1 ой олдин ОФКга стадионни тақдим этиши керак. Лекин форс-мажор ҳолати бўлса ўйинга оз қолганида ҳам стадионни ўзгартирса бўлар экан. Яъни ҳали вақтимиз бор экан.

Ўйлаб кўриш учун ҳам вақтимиз бор. 


Жаҳонгир Файзуллаев


Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика