Osiyo futbol konfederatsiyasining yakuniy qaroriga muvofiq ushbu yil 13-25 centyabr kunlari bo'lib o'tadigan Osiyo kubogi saralash bahslari yurtimiz maydonlarida ham o'tkaziladi.
Saralash bosqichida jami 30 jamoa vakillari 8 guruhga bo'lingan holda, chempionatning 8 yo'llanmasi uchun bellashadilar.
Bahrom Norsafarov murabbiyligi ostidagi ayollar milliy terma jamoasi qur'a tashlash marosimida mezbon mamlakatlar savatchasidan o'rin oladi. Qur'a jarayonida O'zbekiston o'z guruhida 2-raqam bilan saralanadi.
Mazkur bosqich uchrashuvlariga O'zbekiston bilan birgalikda Xitoy Taypeyi, Indoneziya, Myanma, Nepal, Falastin, Tailand va Vetnam mamlakatlari mezbonlik qiladi.
