Оттмар Хицфельд: "ЖЧ-2014нинг яна бир ғолиби бундеслига бўлди"

Агарда энг кучли чемпионат ҳақида гапирадиган бўлсак, унда бундеслига Бразилияда энг яхшиси бўлди. Жуда кўплаб бундеслига вакиллари ўзларини ёрқин ўйинларини кўрсата олишди.

Англия ҳамда Испания чемпионатининг энг олди юлдузлари ҳам улардан ортда қолишди.

Гап фақат немис футболчиларида эмас. Роббеннинг кўрсатган ўйинига эътибор беринг. Арьен Роббен ўзининг энг яхши ўйинларини намойиш этди. Шунингдек, Шакири ёки Даниэль ван Буйтен иштироклари ҳам мақтовга лойиқ. Умуман олганда "Бавария" ўз даражасини кўрсатди. Мюнхен клуби футболчилари барчадан кўп гол киритишди ва улар энг муҳим ўйинчи эканликларини исботлашди.

Йоахим Лёв жамоаси ғалабани ҳақли равишда қўлга киритди. Ҳеч бир жамоа Германияга қаршилик қила олмади. Йоахим Лёв жамоасига катта босим бўлишига қарамасдан, улар ўз вазифаларини ажойиб тарзда уддалашди.