UZ

Сўнгги янгиликлар

19:40Ҳожимат Эркинов ЖЧда қайси жамоалар билан рўбарў келишни хоҳлайди?  0 18:43Кувайт терма жамоаси бош мураббийи: "Мен ЎФА шорт-листида бўлганман?"  6 18:19"Реал" футболчиси Испания терма жамоаси сафида жароҳат олди  2 17:40Сайфиев ва Ҳамробековлар терма жамоа машғулотида иштирок этишмади  1 17:27Каннаваро: "Тимур Кападзе билан ўйин фалсафаларимиз ўхшаш"  12 17:23Ҳожимат Эркинов: "ОКМКда катта футболга мослашганман"  0 17:06Фабио Каннаваро Турғунбоев ва Эшмуродовнинг йиғинга чақирилишига изоҳ берди, МТЖда икки нафар футболчи жароҳат олган  12 17:03"Унда ўзбек футболчилари ҳақида кўп маълумот бор" - Фабио Каннаваро Тимур Кападзенинг ёрдамчи бўлиши ҳақидаги саволга жавоб қайтарди  12 16:40"Нефтчи" – "Андижон" ва "Бунёдкор" – "Насаф" учрашувларида пенальти ҳолатлари бўлганмиди? 24-турдаги ҳакамлик таҳлили  4 16:21"Реал" ТВ Родригонинг жарима майдонида йиқилиши ҳақида: "Трансляция контакт пайтида бошқа кадрга ўтиб кетди"  5 16:02Ҳожимат Эркинов: "Бундан футболчи чиқмайди, бўйи паст" деб айтганлар бўлган"  1 15:43"Наполи" Неймар билан шартнома имзоламоқчи бўлган экан  0 14:57Терма жамоага яна икки футболчи чақирилди  9 14:26Бугун Осиёда ЖЧ-2026 саралашининг тўртинчи босқичига старт берилади  15 14:02Оқ ёки кўк? Ўзбекистон терма жамоаси Кувайтга қарши қайси рангдаги формаларда ўйнаши маълум бўлди  8

Отабек Шукуров: "Туркиядаги муаммолар сабаб, клубимни ўзгартиришга мажбур бўлдим. Ҳозир янги клубим эмас, терма жамоамиз манфаати ҳақида кўпроқ қайғурмоқдаман" Янгиликлар

Отабек Шукуров: "Туркиядаги муаммолар сабаб, клубимни ўзгартиришга мажбур бўлдим. Ҳозир янги клубим эмас, терма жамоамиз манфаати ҳақида кўпроқ қайғурмоқдаман"

Ўзбекистон терма жамоаси етакчиси Отабек Шукуров бугунги машғулотда ОАВ вакилларига интервью берди.

- Кеча расман янги жамоага, аниқроғи Саудиянинг "Ал-Фейҳа" клуби аъзосига айландингиз. Янги клубингиз ва Туркиядаги икки йиллик фаолиятингиз ҳақида фикр билдириб ўтсангиз?

- Терма жамоага келиб қўшилдик. Тўғри, клубимни ўзгартирдим. Барчаси ортда қолди. "Кайсериспор"да бироз муаммоларга дуч келдик. Бош мураббий ва менежерлар билан ишлаш бироз қийин кечди. Шу жиҳатлар сабабли клубимни ўзгартиришга қарор қилдим. Сўнгги вақтда эса, ўйин амалиётисиз ҳам қолиб кетаётгандим. Яратганга шукр, барчаси ортда қолди. Янги жамоамда кўпроқ ўйин амалиётига эга бўлиб, терма жамоамизга Жаҳон чемпионатига йўлланмани қўлга киритишда ёрдам бериш мақсадидаман. Кеча машғулотларни бошладик. Эртадан кейин бизни дастлабки учрашув кутиб турибди.

- Тайёргарлик жараёнлари ҳақида қандай кечмоқда?

- Йиғинни кеча бошладик. Ўйинга кам вақт қолди. Терма жамоамизнинг ўзаги 3-4 йилдан бери шаклланиб келмоқда. Муҳими, яхши ички муҳит бўлиши. Шу орқали Жаҳон чемпионати йўлланмасини қўлга киритишимиз мумкин.

- Мавсум оралиғидаги бу учрашувлар футболчиларга қандай таъсир ўтказиши мумкин? Зич тақвимнинг таъсири қандай?

- Футболчилар бутун фаолияти давомида бундай тақвимда ўйнаб келади. Бу муаммо туғдирмайди деб ўйлайман. Яқин бир йилда барча футболчилар ўз ҳолатини назорат қилиб туриши керак бўлади. Мураббийлар штаби ҳам бундай бизга кўмаклашмоқда. Бундай синовларни енгиб ўтсак, мундиалга йўл олишимиз мумкин.

- Терма жамоамиз учун энг муҳим палла яқинлашмоқда. Жамоамиз бунга руҳан тайёрми?

- Ҳамма тайёр деб ўйлайман. Биз бунга тўрт йил давомида тайёргарлик кўрдик. Шахсан ўзим ҳам, футболчи сифатида иккита саралаш босқичларида иштирок этганман ва Жаҳон чемпионатига чиқа олмаганман. Бош мураббийимиз ҳам бугун шу ҳақда айтиб ўтди. Бу босқичда катта босимга эътибор бермаслик кераклигини, ҳар доим қилиб келган ишимизни бажаришимиз кераклигини таъкидлади. Ҳеч қандай босимсиз, бор ўйинимизни намойиш эта олсак бўлгани. Потенциалимиз Жаҳон чемпионатига чиқиш учун етарли.

- Бунга қадар иккита мундиал саралашида иштирок этгансиз. ЖЧ-2026 саралаши сиз учун аввалги саралаш босқичларидан нимаси билан фарқ қилади? Балки имкониятлар, таркиб ёки шароитларда фарқ бордир?

- Бу саволга жавобни ўзингиз ҳам яхши билсангиз керак. Бу сафар, бир мураббий билан узоқ вақтдан буён тайёргарлик кўриб келмоқдамиз. Деярли 4 йилдан буён Катанец билан ишлаб келмоқдамиз. Ўзак ўзгармади. Мақсад ҳам олдиндан бир эди, Жаҳон чемпионатига чиқиш. Шу сабаб, бир аҳил жамоа йиғдик. Таркибимизда яққол ажралиб турадиган футболчи йўқ. Барча футболчилар бирдек муҳим. Бу бизнинг устунлигимиз деб ўйлайман.

- Сиз КХДРга қарши уч маротаба ва Қирғизистонга қарши икки маротаба ўйнагансиз. Ҳозир икки терма жамоа қанчалик ўзгарган бўлиши мумкин? Бўлажак рақибларимиз ҳақидаги тасаввурингиз қандай?

- Ҳозирги кунда футбол ҳар куни ўзгармоқда. Футболчи сифатида ҳам кеча қилган ишингизни, бугун бажара олмай қолишингиз мумкин. Энг асосийси, ўйин куни қанчалик тайёр бўлишингиз муҳим. Бу энг катта омил. Бу учрашувларнинг барчаси тарихга айланди. Биз энди янги тарих яратишга ҳаракат қиламиз. Барча мухлисларимиздан бизни дуо қилишларини сўраймиз. Сизлар, яъни ОАВ вакилларидан ҳам терма жамоамизни қўллаб-қувватлашларингизни илтимос қилган бўлардим. 


Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика