Осиё чемпионати. Боксчиларимизнинг овқатланиш жойи, вазн назорати ва Лебзяк
18 апр 2019 06:24
Янгиликлар

Осиё чемпионати. Боксчиларимизнинг овқатланиш жойи, вазн назорати ва Лебзяк

Кеча Ўзбекистон бокс федерацияси бош котиби Муроджон Мамадалиевга ҳамроҳ сифатида терма жамоамиз аъзоари истиқомат қилаётган "Golden Tulip" меҳмонхонасига бордим.

Етиб борганимизда боксчиларимиз бир неча дақиқа аввал машғулотларни якунлаган, терма жамоа бош мураббийи Марат Қурбонов спортчиларимиз вазнларини назоратдан ўтказаётган экан. Мусобақа бошлангунга қадар барча вазн меъёрини бажариши лозим-да. Бунинг тўғри амалга оширилиши терма жамоамиз устозининг доимий назоратида.

Бундан ташқари кеча боксчилар учун мандат ўтказилди. Унда спортчиларнинг ҳужжатлари, давомати текширилди. Ушбу текширув ҳам терма жамоамиз вакиллари учун кўнгилдагидек кечди. Барча ҳужжатлар жой-жойида, ташкилий томондан муаммолар йўқ.