Ўн уч медал жаранглайди тилларда (шеър)

Ўзбекистон спортчилари ушбу олимпия ўйинларида 4та олтин, 2та кумуш ва 7та бронза медалини қўлга киритишди. Жами 13та медал олган терма жамоамиз Олимпиадани 21-ўринда якунлади.

Барча Олимпиада совриндорларига бағишланади

Ўзбегимнинг эр ўғлони сизларсиз
Рио, Рио бўлармиди сизларсиз
Ўзбекистон нуфузини кўтарган
Шунча медал олармиди сизларсиз!

Боксда ҳамки тенгсиз бўлиб дунёда,
Тош кўтариб рекорд қўйдинг Риода
Агар сиздай ўғлонларим бўлмаса
Олтин, кумуш, бронзалар қаёқда.

Ўзларидан юрт шаънин қўйиб ортиқ
Чидадилар сезса ҳам канча оғриқ
Ўзбегимда сиздай мардлар кўпайсин
Қилаверсин медаллар юртга тортиқ.

Муборакдир-муборак сизга нишон
Ҳар бирингиз бўлдингизлар қаҳрамон
Таъзимдаман сизга бошим эгаман
Айладинглар юртим дунёга достон.

Ўн уч инсон, ўн уч тақдир дилларда
Ўн уч тарих изи бордир йилларда.
Қанча заҳмат, қанча меҳнат ортдадир
Ўн уч медал жаранглайди тилларда

"Навбаҳор" клуби фахрий мухлислари
Рустамжон ака ва Асқар ака