"Олтин тўп" олмаган, аммо унга муносиб бўлган 7 юлдуз

Уларнинг орасидаги энг машҳур ва нуфузлиси "Олтин тўп" ҳисобланади. France Football нашри топширадиган ушбу соврин барча футболчиларнинг орзуси, аммо баъзида "Олтин тўп" унга муносиб бўлмаганларга ҳам топширилади. Эътиборингизга "Олтин тўп"га лойиқ кўрсатиб, совриндан қуруқ қолган 7 юлдузни тақдим этамиз.

УЭСЛИ СНЕЙДЕР

Голландиялик ярим ҳимоячи 2010 йилда "Интер" сафида деярли барча совринларни қўлга киритди ва Голландия терма жамоаси билан ЖЧ-2010да 2-ўринни эгаллади, аммо соврин Лионель Мессига топширилди.

ФРАНК РИБЕРИ

Франциялик 2013 йилда "Бавария"нинг энг яхши футболчиси деб топилди, УЕФАнинг йил футболчиси совринини қўлга киритди, бироқ "Олтин тўп"ни Криштиану Роналду уйига олиб кетди.

ТЬЕРРИ АНРИ

Афсонавий францияликнинг совринларига эътибор беринг: Европа ва жаҳон чемпиони, Чемпионлар лигаси, Англия, Франция ва Испания чемпионатлари ғолиби. Лекин "Олтин тўп"ни қўлга кирита олмаган.

АНДРЕС ИНЬЕСТА

Кўплаб футбол мухлислари ҳозиргача Иньестага берилмаган "Олтин тўп" - футбол оламидаги энг катта жиноят деб билишади.

ХАВИ

Хави 2009 ва 2011 йилларда "Олтин тўп" учлигига кирган, аммо ҳар сафар совринни Лионель Мессига беришган.

ЖАНЛУИЖИ БУФФОН

Буффон футбол тарихидаги энг яхши дарвозабонлардан бири ҳисобланади, 2006 йилда у "Олтин тўп"га эгалик қилиши мумкин эди, бироқ соврин унинг жамоадоши Фабио Каннаварога насиб этди.

АРЬЕН РОББЕН

Чемпионлар лигасидаги ғалабадан сўнг у "Олтин тўп"ни қўлга киритиши керак эди, аммо "Бавария" Франк Риберини қўллаб-қувватлади ва кучли учликка франциялик кирди. Бироқ тепароқда айтилганидек, соврин "Бавария" футболчисига топширилмади.