Олий лига-2015. Геворкян ва Йованович энг кўп пенальти тепишди
30 ноя 2015 12:11
Янгиликлар

Олий лига-2015. Геворкян ва Йованович энг кўп пенальти тепишди

2015 йилги олий лига баҳсларида жами 69та пенальти белгиланди.

Бу йил энг кўп пенальтини "Насаф" ярим ҳимоячиси Артур Геворкян ва "Олмалиқ" ҳужумчиси Неманья Йованович тепишди.

Иккала футболчи ҳам 5 мартадан 11 метрли жарима зарбасини ижро этиб 4тадан гол уришди. Геворкян ҳам, Йованович ҳам бир мартадан пенальтидан тўп кирита олишмаган.

"Пахтакор" ҳужумчиси, 2015 йилги олий лига тўпурари Игорь Сергеев 4та пенальтининг барчасини голга айлантирди.

Станислав Андреев 4та пенальтидан 3та гол урди. Иброҳим Отахонов ва Игорь Таран 3 марта 11 метрли жарима тўпини амалга ошириб 3тадан гол уришди.

Бу йил бир марта пенальти тепиб гол ура олмаган омадсизлар билан танишинг: Зоҳир Қўзибоев, Ориф Мамажонов, Шерзод Ҳакимов, Жасур Ҳасанов (катта), Шахбоз Эркинов.