ОФК келаси U-17 Осиё чемпионатлари мезбонини маълум қилди
06 май 11:31
Янгиликлар

ОФК келаси U-17 Осиё чемпионатлари мезбонини маълум қилди

Хабарингиз бор, шу йилнинг апрель ойида Саудия Арабистонида бўлиб ўтган U-17 Осиё чемпионати Ўзбекистон ўсмирлар терма жамоаси учун жуда чиройли кечиб, футболчиларимиз якунда ғолибликни қўлга киритди.

Мусобақа якунига етгач, орадан бир неча кун ўтиб ОФК Ижроия қўмитаси йиғилиш ўтказди ҳамда кейинги мусобақалар қаерда бўлиб ўтишини аниқлаб олди.

Шундай қилиб кейинги учта U-17 Осиё чемпионати яна Саудия Арабистонида ўтказиладиган бўлди. 2026, 2027, 2028 йилги мусобақалар ҳам айнан Саудия Арабистонида ташкил этилади. Мамлакат мусобақа мезбонлиги учун курашда Хитой ва Ироқдан устун келди.

Албатта, Ироқда кетма-кет уч йил U-17 Осиё чемпионатини ўтказиш имконсиз, чунки мамлакатдаги сиёсий вазият тез-тез ўзгариб туради. Шу боис Ироқ мезбонлик учун курашдан тез чиқди, Хитой билан эса музокаралар узоқ давом этди. Натижада ОФК ҳар икки томон кўнглини топиб, қаторасига учта U-17 Осиё чемпионати мезбонлигини Саудия Арабистонига, шунингдек, қаторасига учта U-17 қизлар ўртасидаги Осиё чемпионати мезбонлигини Хитойга берди.

Апрель ойида ўтказилган U-17 Осиё чемпионати мезбонлиги ҳамда шу мамлакатда бўлиб ўтган Элит ОЧЛнинг марказлашган тартибдаги финал босқич ўйинларининг юқори савияда ташкил этилиши ОФК раҳбариятида илиқ таассурот қолдирди.

Ҳавола :

Манба : Championat.asia

Янгиликларни Телеграмда ўқинг!

Рейтинг: -15