"ЎФА биринчи вице-президентининг позицияси ҳамда стратегияси футболни ривожлантиришда муҳим омил ҳисобланади" — Диёр Имомхўжаев

ЎФА президенти жамоатчилик асосида фаолият олиб боради, ЎФА ривожи учун катта туртки беради ва табиийки, хизматлари учун маош олмайди. У давлат арбоби сифатида ҳукуматнинг спортдаги қарашлари ва принципларини ифода этади. Унутмаслик керакки, Ўзбекистон шароитида ҳукумат футболга жуда катта ёрдам беради. Ўзбекистондаги барча катта футбол клублари ҳамда барча футбол мактаблари бевосита ҳукумат қарорлари билан молиялаштирилади. Шундан келиб чиқиб, давлат барча механизм миллий терма жамоани кучайтириш йўлида хизмат қилиши керак деб ҳисоблайди ва бунга ҳақли ҳам.  

ЎФА биринчи вице-президенти эса ташкилотда штат асосида фаолият олиб боради, хизмати учун ҳақ олади. У футбол одами сифатида ФИФА ҳамда футболга алоқадор бошқа ташкилотлар белгилаб берган аниқ нормалар ҳамда ҳукуматимизнинг футболдаги иродаси бир-бирига мутаносиб келишини таъминлаб бериши шарт. Унинг позицияси ҳамда стратегияси футболни ривожлантиришда муҳим омил ҳисобланади.

Мана шу икки қутб ўртасидаги муносабатларни тушунишга осонроқ бўлиши учун дипломатия деб атасак тўғрироқ бўлади. У доимо ён бериш орқали (!) ўз принципларини, манфаатларини ўтказа олиши керак. Манфаат деганда биз футбол манфаатини назарда тутдик. Айнан футбол манфаатини", – дейди Диёр Имомхўжаев ўз саҳифасида.