Одил Ҳамробеков биринчи даврада унга энг кўп қийинчилик туғдирган футболчи кимлигини айтди
30 июн 2025 00:17
Янгиликлар

Одил Ҳамробеков биринчи даврада унга энг кўп қийинчилик туғдирган футболчи кимлигини айтди

Суперлиганинг 14-туридан ўрин олган "Бунёдкор" - "Сўғдиёна" (3:2) учрашувидан сўнг мезбонлар ярим ҳимоячиси Одил Ҳамробеков сайтимизга интервью берди.

- Бугунги ўйин ҳақида фикрингиз...

- Биринчи бўлимда ўзимиз кутган ўйинни намойиш эта олмадик. Оддий хатоларга йўл қўйганимиз боис, ўйин ритмини қўлдан чиқардик. Иккинчи бўлимда эса тартибли ўйинимиз эвазига ғалаба қозондик. Бугун дарвозабонимиз ҳам ярим жамоа бўлди.

- "Бунёдкор" натижаларида стабиллик етишмаяпти, бунга сабаб нима?

- Жамоа таркиби янгидан шаклланган, улар орасида ёшлар ҳам бор. Энди шаклланаётган ёшлардан стабиллик кутиш нотўғри бўлади. Шу ҳам сабаб бўлиши мумкин.

- "Бунёдкор" Ўзбекистон кубогидаги иштирокини ҳам давом эттиряпти. Бу жараён жамоага қўшимча босим юкламайдими?

- Йўқ, аксинча, бу қўшимча энергия беради.

- Биринчи даврада деярли барча учрашувларда майдонга тушдингиз. Ушбу даврдаги ўйинларда сиз учун майдондаги позициянгизда энг кўп қийинчилик туғдирган футболчини айта оласизми?

- Бизнинг майдондаги вазифамиз "қора меҳнат" ҳисобланади. Биринчи даврада энг кўп қийинчилик туғдирган футболчи "Насаф" аъзоси Драган Черан бўлса керак.

Ҳавола :

Манба : championat.asia

Янгиликларни Телеграмда ўқинг!

Рейтинг: +2