ОЧЛ превьюси. "Пахтакор" (Ўзбекистон) - "Эйр Форс" (Ироқ)
11 фев 2019 16:59
Янгиликлар

ОЧЛ превьюси. "Пахтакор" (Ўзбекистон) - "Эйр Форс" (Ироқ)

Эртага Осиё чемпионлар лигасининг иккинчи ўтиш босқичи учрашувлари ўтказилади.

12 февраль куни жами 8та ўйин ўтказилади. Битта ўйиндан иборат баҳсда ғолиб чиққан жамоалар 19 февраль куни бўлиб ўтадиган ОЧЛ плей-офф йўлланмасини қўлга киритишади. Ўтган мавсум Супрерлигада иккинчи ўринни қўлга киритган "Пахтакор" ўз майдонида Ироқнинг "Эйр Форс" клубини қабул қилади.

"Пахтакор"
"Пахтакор" бу мавсум ўз тарихида 15-бор ОЧЛда иштирок этади. Бу жамоа 2002/2003 ҳамда 2004 йилги мавсумларда ярим финалга қадар етиб борган. "Пахтакор" ўзбек футболининг байроқдор жамоаларидан бири. Рақиб ҳам Ироқ тарихидаги энг номдор клублардан ҳисобланади.

Жамоанинг ОЧЛдаги иштироки:
2002/2003 - ярим финал
2004 - ярим финал
2005 - гуруҳ босқичи
2006 - гуруҳ босқичи
2007 - гуруҳ босқичи
2008 - гуруҳ босқичи
2009 - чорак финал
2010 - 1/8 финал
2011 - гуруҳ босқичи
2012 - гуруҳ босқичи
2013 - гуруҳ босқичи
2015 - гуруҳ босқичи
2016 - гуруҳ босқичи
2018 - плей-офф

"Эйр Форс"
"Эйр Форс" клубининг икки хил номи бор. Бу жамоани "Ал Қува Ал Жавия" деб ҳам аташади. "Эйр Форс" ўз тарихида тўртинчи марта ОЧЛда иштирок этяпти. Ўтган мавсум Ироқ чемпионатида иккинчи ўринни эгаллаши сабабли ОЧЛга йўлланма олди. Жамоа бунгача гуруҳдан чиқа олмаган, аммо ОФК кубогининг охирги уч йилдаги ғолиби ҳисобланади.

Жамоанинг ОЧЛдаги иштироки:
2004 - гуруҳ босқичи
2006 - гуруҳ босқичи
2008 - гуруҳ босқичи