“Матрасчилар” мухлислари “Вильярреал”га қарши ўйин олдидан аргентиналик ҳужумчини ҳуштаклар билан қарши олишди. Бунга футболчининг клубни очиқчасига тарк этиш истаги сабаб бўлган. Маълумки, Альварес фаолиятини “Барселона”да давом эттиришни истамоқда, бироқ “Атлетико” раҳбарияти уни каталонияликларга сотишдан бош тортмоқда.
“Биз бирдам бўлиб қолишимиз керак. Хулиан биз билан қолмоқда ва у шу ерда экан, биз уни қўллаб-қувватлаймиз. Бу ҳамма учун ноқулай вазият. Умид қиламанки, ҳаммаси ижобий ҳал бўлади ва биз бутун мавсум давомида ҳамжиҳат бўлиб қоламиз”, – деди Облак.
“Атлетико”нинг “Вильярреал” билан учрашуви 2:2 ҳисобидаги дуранг билан якунланди. Альварес 66-дақиқада захирадан майдонга тушди.
