Облак 9та сейв ижро этди ва "Атлетико"ни кейинги босқичга олиб чиқди. Адрианни эса антиқаҳрамон сифатида эслаб қолишади

- Облак 9та сейв ижро этди - бу жорий мавсум Чемпионлар лигасида дарвозабонлар қайд этган энг яхши натижа. 6та сейв жарима майдончаси ташқарисидан берилган зарбалардан сўнг ижро этилди. Шу билан бирга Ян "Атлетико"даги ўзининг рекордини такрорлади: 2017 йил "Сельта"га қарши баҳсда, 2016 йил "Бавария"га қарши ярим финалда дарвозабон шунча сейв ижро этган.

- Словениялик бутун ўйин давомида темпни тушурмади - "Ливерпуль" 120 дақиқа ичида дарвоза томон 34та зарба берди ва бир марта тўсинни нишонга олди.

- Бундан ташқари, Облак тўпга чиқишда бор-йўғи бир марта адашди (иккинчи бўлимда босим остида тўпни қўлидан чиқариб юборди), тўртта вазиятда эса максимал даражада ишончли ўйнади.

- Адрианда эса ҳаммаси қувонарли эмас - испаниялик биринчи бўлимда ўзини кўрсатмади, аммо иккинчи таймда тўпни рақибга топшириб, гол ўтказиб юбришига бир баҳя қолди. Ўша вазиятда дарвозабоннинг омади келди, кипер тўпга рақибидан олдинроқ етиб келди.

- Асосий воқеа эсктра таймда содир бўлди - "Ливерпуль" 2:0 ҳисобида ғалаба қозонаётган вақтда Адриан ўз жарима майдончаси олдида тўпни рақибга ташлаб берди. Бу унинг "Ливерпуль"даги биринчи "голли паси" эмас, тўртинчиси.

- Чемпионлар лигасида дарвозабонлар борасида "Ливерпуль"нинг омади келмаяпти: 2017/18 мавсумдан бошлаб киперлар тўртта қўпол хатога йўл қўйишди: 3таси Лорис Кариусдан, яна биттаси Адриан ҳисобида. Бошқа ҳеч бир жамоа дарвозабонлари бу вақт ичида бунча кўп хато қилишмаган.

- "Ливерпуль"нинг ягона ишончли дарвозабони - Алиссон. У жароҳат туфайли "Атлетико" билан ўйнамади.