"Бухоро"нинг олти нафар футболчиси ҳамон пулини ололгани йўқ ёхуд "пичоқ суякка қадалганда"
22 авг 2021 15:36
Янгиликлар

"Бухоро"нинг олти нафар футболчиси ҳамон пулини ололгани йўқ ёхуд "пичоқ суякка қадалганда"

Теглар : Нурафшон Ўзбекистон футболчилар уюшмаси

Бир неча ой олдин сайтимизда Про лига иштирокчиси "Бухоро" клубининг футболчилари олдида қарзи борлигини, белгиланган муддат ичида бартараф этилмаса жиддий чора кўрилиши ҳақидаги хабар чиққан эди.

Мазкур мақолада Ўзбекистон футболчилар уюшмаси раҳбари Камолиддин Мурзоев клубга нисбатан санкция қўлланилмаса ишга ФИФА аралашишини айтиб ўтганди. Орадан 3 ой ўтдики мазкур муаммо ҳамон ўз ечимини топгани йўқ. Хўш, буёғига нима бўлади? Ушбу масалада куни кеча Камолиддин Мурзоев сайтимизга қуйидагиларни маълум қилди.

"Бухоро" клубининг олти нафар футболчидан қарзи борлиги рост. Аввалига уларга 1 майга қадар тўлаб беришни ваъда қилишганди. Лекин ҳамон у пуллар тўланганича йўқ. Гап 2020 йилда жамоада ўйнаган футболчилар ҳақида кетмоқда. Сўнгги муддат сифатида 20 августга қадар муҳлат берилганди. Агарда ЎФА клубга санкция ёки очколар олиб ташлаш чорасини қўлламаса биз ФИФАга хат билан чиқишимиз мумкин. ФИФА ўз навбатида Ўзбекистон футбол ассоциацияси ва ПФЛга нисбатан иш кўради. "Нурафшон"га оз эмас кўп эмас 3 маротаба имкон берилди. Бу тўртинчиси, умуман олганда "пичоқ суякка бориб қадалди". Гарчи янги раҳбарият иш бошлаган бўлсада, ҳамон бу масалага нуқта қўя олишгани йўқ",- дейди Камолиддин Мурзоев.

"Бухоро"га нисбатан санкция қўлланилмаса, ишга ФИФА аралашади"

Эшитдик-да! "Бухоро"дан 3 очко олиб ташланади

Эшитдик-да! "Бухоро" мавсумни минус очколар билан бошлаши мумкин

Ҳавола :

Манба : championat.asia

Янгиликларни Телеграмда ўқинг!

Рейтинг: +3