Неймар Мессига: "Табриклайман, ака! Футбол ушбу лаҳзаларни кутганди"
11 июл 2021 22:39
Янгиликлар

Неймар Мессига: "Табриклайман, ака! Футбол ушбу лаҳзаларни кутганди"

ПСЖ клуби ва Бразилия терма жамоаси ҳужумчиси Неймар "Барселона"даги собиқ жамоадоши Лионель Мессининг Америка кубогини қўлга киритгани билан табриклади.

Финалдан кейин бразилиялик ва аргентиналик футболчилар қучоқлашганча суҳбатлашди.

"Мағлубият менга азоб беради. Ҳали ҳам кўниколганим йўқ. Мағлубиятдан сўнг мен кўрган тарихдаги энг буюк футболчи — дўстим ва акам Мессини қучоқлаш учун бордим.
Мен хафа эдим ва унга айтдим: "Жин урсин, сиз мени енгдингиз". Афсуски, мен ютқаздим, лекин бу йигит ғоятда зўр! Мен уни ҳақиқатан ҳам футбол учун ва айниқса, мен учун қилган ишларини ҳурмат қиламан.
Мен ютқазишни ёмон кўраман! Аммо сиз кубокдан завқланинг! Футбол ушбу лаҳзани кутган эди. Табриклайман, ака", — деб ёзди Неймар.

Ҳавола :

Манба : instagram.com/neymarjr

Янгиликларни Телеграмда ўқинг!

Рейтинг: +61