Невилл нима сабабдан Контенинг МЮга келишини истамаганини айтди

"Конте "Тоттенхэм"да яхши ишлаши кутилганди. У жамоа билан керакли натижаларга эриша олди ва кейин барчаси ўзига келишни бошлади. Мана нима сабабдан Контени "Манчестер Юнайтед"да кўришни истамагандим. 

Сўнгги бир неча ойдаги вазиятни яна бир бор таъкидлаш шарт эмас. Жамоа кучли тўртлик учун курашди ва "Саутгемптон"ни мағлуб этиб, 3-ўринга кўтарилиши мумкин эди. Аслида бу жой "Тоттенхэм"ники бўлганди. Менга тушунарсиз бўлаётгани - жанжал нега керак эди.

Жамоа Контенинг услубидан, Конте эса футболчилардан чарчаганди ва тартибсизлик бошланди. Бундай якундан қочиб бўлмасди", - деди Невилл.