- Ўйин ҳақида фикрингиз?
- Авваламбор бизни қўллаб турган мухлисларга раҳмат айтаман ва бугунги чиройли ғалаба билан табриклайман. Оғир ўйин бўлишини билгандик ва шунга яраша ҳозирлик кўргандик. Биринчи таймда омадимиз келиб ҳисобни очишга эришдик ва бу бизга қўл келди. Иккинчи таймда яна иккита гол уриб ҳисобни мустаҳкамладик. Ғалабадан хурсандмиз. Яна хурсанд қилгани жиҳати - муҳтарам Президентимиз томонидан клубга автобус совға қилинди, бунинг учун катта раҳмат.
- Бугунги баҳсда Руслан Қалмағамбетов иккита тўп киритди. Шу ҳақда фикрингиз?
- Тўғри, у икки бор гол урди, лекин пенальтидан фойдалана олмади. Энди пенальти ҳам лотерея. Лекин Руслан муҳими ўйиндан гол урди ва ўзига берилган имкониятдан фойдаланди. Руслан ўйинга яхши киришиб кетди, унинг учун хурсандмиз.
- Навбатдаги тур Тошкентда "Ғазалкент" жамоасига қарши кечади.
- Эртага йигитларга бир кун дам берамиз ва шундан сўнг навбатдаги ўйинга тайёргарликни бошлаймиз. "Ғазалкент" ёшлардан иборат яхши жамоа, ўйлайманки уларга қарши қизиқарли баҳс кечади.
