"Навбаҳор" янги мавсумга тайёргарликни бош мураббийсиз бошлади

Илк машғулот кеча “Марказий” ўйингоҳнинг захира майдонида ўтказилди. Тайёргарликни “Навбаҳор”нинг ёрдамчи мураббийлари - Аъзам Ражаббоев ва Мустафо Байрамов олиб боришди.

Таъкидлаш жоизки, дастлабки машғулотда маҳаллий ўйинчилар билан биргаликда россиялик ярим ҳимоячи Иван Соловьёв ҳам иштирок этди.

Шунингдек, тайёргарлик жараёни давомида наманганлик ёш ҳамда иқтидорли футболчиларнинг кўрикдан ўтишаётганлигини ҳам айтиш жоиз.

“Навбаҳор” ПФК матбуот хизмати