UZ

Сўнгги янгиликлар

12:25Баҳром Ҳайдаров: "Имкон қадар 10таликдан ўрин эгаллашга ҳаракат қиламиз"  0 11:54"Интер" асосий футболчиси "Реал" диққат марказида  0 11:26Виталий Денисов: "Файзуллаев топ-5 лигадаги клубга ўтади деб умид қилгандим"  6 10:53"Насаф" сардори легионерга айланишга яқин  11 10:25"Нефтчи" футболчиси "Қўқон-1912"га ўтиши мумкин  1 09:51"Насаф" колумбиялик ҳужумчига қизиқиш билдирмоқда  7 09:18"Нефтчи" Жоэль Кожо учун қанча сарфлаши маълум  12 08:40"Рома" янги мавсум учун учинчи либослар тўпламини намойиш қилди  2 08:13Гари Линекер: "Рэшфорд барчасини уддалайди"  2 07:45Хуршид Мухторовнинг янги жамоаси маълум  1 02:00Ғиштдан дарвоза қуриб ўйнаган, "Атлетико" майдонида энг яхши футболчи деб топилган ҳамда Роналдудан жарима зарбаси тепишни ўрганган "Пахтакор"нинг янги легионери билан яқиндан танишамиз  2 01:46Эшли Янг АПЛдан тушиб кетган жамоа учун тиббий кўрикдан ўтди  0 01:11Расман: Роберто Фирмино - "Ал Садд" футболчиси!  4 00:51"Милан" футболчиси "Бешиктош"га ўтиши мумкин  1 00:35"Ювентус" футболчисини "Вердер"га сотди  2

"Навбаҳор" иштирокидаги ўйин жанжал туфайли охирига етмай қолди Янгиликлар

"Навбаҳор" иштирокидаги ўйин жанжал туфайли охирига етмай қолди

Айни пайтда ўз ўқув – машғулот йиғинини Туркияда олиб бораётган “Навбаҳор” мазкур мамлакатдаги йиғин доирасидаги иккинчи ўртоқлик баҳсини Қозоғистон Премьер-лигаси вакили “Оқжетпес” (Кўкчатой) жамоасига қарши олиб борди.

Учрашувнинг 1-бўлими кескин курашлар остида ўтиб, кўкчатойликлар 2-дақиқадаёқ стандарт вазиятдан ҳисобни очишди. Чап қанотдан оширилган тўпни “Оқжетпес” футболчиларидан бири боши билан дарвозага аниқ йўллаб, ҳисобни очди – 0:1.

Мувозанатни тиклашга интилган "Навбаҳор" аъзолари ҳужумкорликни анча кучайтиришди ва бу 10-дақиқада ўз самарасини берди. “Лочинлар”нинг навбатдаги ҳужуми пайтида маҳоратли ярим ҳимоячи Сардор Теляков 20 метрлар чамаси узоқликдан дарвозани аниқ нишонга олиб, ҳисобни тенглаштирди – 1:1.

Аммо қозоғистонликлар 34-дақиқада "Лочинлар" дарвозасини иккинчи марта ишғол этиб, танаффусга 2:1 ҳисобида чиқиб кетишди.

Иккинчи бўлимни ҳужумкор руҳда бошлаган Нўъмон Ҳасанов шогирдлари 48-дақиқада рақиб футболчиси ўз жарима майдончаси ичида тўпни қўли билан ўйнаганлиги боис, 11 метрли жарима зарбаси тепиш ҳуқуқини қўлга киритишди. Пенальтини жамоа сардори Азимжон Аҳмедов аниқ амалга ошириб, мувозанатни тиклади – 2:2.

Бироқ 56-дақиқада қозоғистонликлар навбатдаги ҳужумни самарали тарзда якунлаб, ҳисобда олдинга чиқиб олишди – 2:3.

Шундан сўнг, "Навбаҳор" аъзолари ҳисобни тенглаштириш мақсадида, яна ҳужумкорликни кучайтиришди. Аммо ҳужумлар якунига етмасди.

Учрашувнинг 83-дақиқасида ҳар икки жамоа футболчилари орасида келишмовчилик юзага келди. Ушбу ҳолатнинг жанжалга айланиб кетишини олдини олиш мақсадида, учрашув бош ҳаками ўйинни муддатидан олдин тўхтатишга қарор қилди.

Натижада “Оқжетпес” 3:2 ҳисобида ғалаба қозонаётган ушбу баҳс якунига етмай қолди.

Белек шаҳрида бўлиб ўтган мазкур ўйинда “лочинлар” устози Нўъмон Ҳасанов майдонга қуйидаги футболчиларни туширди: Раҳимжон Давронов, Азимжон Аҳмедов, Мирзоҳид Ғофуров, Даврон Ҳошимов, Никола Тасич, Эҳсони Паншанбе, Иван Соловьёв, Марко Путинканин, Сардор Теляков, Аббос Ғуломов, Забиҳилло Ўринбоев.

Захирадан майдонга тушганлар: Ўткир Юсупов, Шоҳруҳ Маҳмудҳожиев, Фарҳод Мираҳматов, Мирзоҳид Мирзамаҳмудов.





Реклама


Рейтинг: -29   

Фикрлар

championat.asia
< сўнгги янгиликларни кўриш
Яндекс.Метрика