"Навбаҳор": Футболчиларимиз тиббий кўрикдан ўтишди

Тиббий кўрикдан пойтахтдаги йиғинда қатнашаётган 23 нафар футболчининг барчаси ўтганлигини қўшимча қили жоиз. Шифокорлар текширувининг якуний хулосаси эса эртага эълон қилинади. Жамоамиз 24 январ куни аввал хабар бериб ўтганимиздек, “Олмалиқ” клубига қарши пойтахтдаги дастлабки назорат учрашувини ўтказади. Эртасига эса мураббий ва футболчиларимиз Ўзбекистон футбол федерацияси ҳакамлар бўлими томонидан ташкил этиладиган футбол қоидалари ва унга киритилган ўзгаришларга бағишланган ўқув-семинарда иштирок этишади. 31 январ куни бўлиб ўтадиган навбатдаги ўртоқлик учрашувида эса жамоамизга Жиззахнинг “Сўғдиёна” клуби рақиблик қилади.