UZ

Сўнгги янгиликлар

23:56"Милан" клубининг навбатдаги учрашув учун асосий таркиби маълум  2 23:44АПЛ. Жотанинг дубли "бўрилар"га 1 очко тақдим қилди  0 23:35Марсело Бэйлга гольф таёғи совға қилди, Винисиусга эса...  3 23:20Форз Кўрфази Кубоги-2019. Баҳрайн – С.Арабистони ўртасидаги финал тақдирини ягона гол ҳал этди  22 22:55РПЛ. "Ростов" "Спартак"ни йирик ҳисобда мағлуб этди  160 22:39"Челси" Акени ортга қайтармоқчи  4 22:20Балотеллининг голи "Брешия"га 3 очко тақдим қилди  2 21:45Жейми Варди мавсумни сермаҳсул ўтказмоқда  5 21:20"Ювентус" ярим ҳимоячисида жароҳат  2 20:50АПЛ. "Лестер" ғалаба қозонди ва иккинчи ўриндан мустаҳкам жой олди  33 20:30Райола: "Ибрагимович фаолиятини Италияда давом эттириши шарт эмас"  1 20:10"Спартак" - "Ростов". Асосий таркиблар эълон қилинди  27 20:00Омар Момани карикатураси: Манчестер қизил рангда!  11 19:49«Бунёдкор Кубоги». Илк чемпион ва совриндорлар аниқланди  6 19:40Ди Стефанонинг рекорди янгиланди  7

"Навбаҳор" - АГМК учрашуви превьюси Янгиликлар

"Навбаҳор" - АГМК учрашуви превьюси

АГМК матбуот хизмати "Навбаҳор"га қарши ўйин олдидан бўлажак учрашувга превью ёзди.

"Суперлиганинг 16-тури доирасида тўқнаш келадиган рақибимиз "Навбаҳор" билан умумий ҳисобдаги 24-тўқнашув остонасидамиз.

Бунга қадар наманганликлар билан жами 23 маротаба дуч келганмиз. Ўзаро ўйинлардаги натижаларда тарози палласи бизнинг фойдамизда. Ўтказилган учрашувларнинг 10таси бизнинг ғалаба билан якунланган бўлса, 6 баҳсда дуранг қайд этилган ва 7 бор рақиб ютуққа эришган. Тўплар нисбатида ҳам кичик устунлик биз томонда: 33-32.

Жорий мавсумнинг биринчи давраси доирасида ўтган Олмалиқдаги беллашувда ғолиб номи аниқланмаганди. Ўшанда қизиқарли ва кескин курашларга бой ўтган учрашувда ҳар иккала томон биттадан гол уриб, якунда дурангга имзо чекилганди. 

Айни пайтда турнир жадвалига эътибор қаратадиган бўлсак, рақибимиз "Навбаҳор" 15-турдан кейин 22 очко тўплаган ҳолда 6-поғонада бормоқда. Жамоамиз эса 13 очко билан 11-ўринда.

"Навбаҳор"да жорий мавсум ўртасида истеъфо кузатилганди. Андрей Канчельскис қўл остида чемпионатни бошлаган наманганликлар айни пайтда сербиялик Деян Журжевич бошқарувига ўтган. "Навбаҳор" жорий мавсум ўз уйидаги иккита ўйинда имкониятни бой берган. Дастлаб "Бунёдкор" "Навбаҳор" Фарғонада номинал мезбонлик қилган ўйинда зафар қучган бўлса, иккинчи давра аввалида "Қизилқум" Наманганда мезбонларни хафа қилганди.

АГМК бу баҳсга анча пухта ҳозирлик кўрмоқда. "Машъал"га қарши кубок ўйинидан кейин қисқа муддатли таътилга чиққан футболчилар 6 августдан бошлаб машғулотларга киришишди. "Навбаҳор" билан баҳсга жиддий тараддуд кўраётган жамоамиз бугун эрта тонгда Наманганга етиб келди ва учрашувдан олдинги машғулотни ўйин бўладиган стадионда ўтказади.

Таркибга келадиган бўлсак, катта йўқотишлар йўқ. Фақатгина мавсум стартида жароҳатланган Расул Йўлдошев ўйинни ўтказиб юборади. "Навбаҳор"да эса легионер ҳимоячи Славко Лукич ҳамда биринчи даврада Олмалиқда кечган баҳсда жароҳатланган Абдужамол Исроилов эртанги учрашувда қатнашмайди. Шунингдек, кубок беллашувида кичик жароҳат олган Александр Касьяннинг эртанги ўйинда иштирок этиши сўроқ остида.

Қайд этиш керакки, "Навбаҳор"га қарши баҳсда жамоамиз сафига янги келиб қўшилган Жасур Яхшибоев АГМК таркибидаги дебют ўйинини ўтказиш имкониятига эга. 

Эртанги учрашувда майдон эгалари "Навбаҳор" жамоаси қизил рангли либосда, жамоамиз эса оқ рангли формада майдонга тушади.

Эслатиб ўтамиз, "Навбаҳор" - АГМК  учрашуви 10 август куни Наманган шаҳридаги "Марказий" стадионда, соат 20:00да бошланади. Учрашувни "Маҳалла" телеканали жонли эфирда кўрсатишни режалаштирган.

АГМК жамоаси Намангандан 2010, 2011 ва 2013 йилги мавсумларда ғалаба билан қайтишни уддалаган. Умид қиламизки, эртанги баҳсда эса сўнгги бор 6 йил олдин Наманганда қайд этилган муваффақиятни такрорлаймиз ва Олмалиққа муҳим 3 очко билан қайтамиз!

Бўлажак баҳсда жамоамизга омад тилаб қоламиз", - дейилади АГМК клубининг телеграмдаги расмий каналида.

Рейтинг: -12   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг