"Насаф" Туркияда йиғин ўтказади

Учрашувда тўлиқ “Насаф” футболчиларининг устунлиги остида ўтди. Учрашувнинг 10-дақиқасида ҳисоб очилди. Шомуродов тезлик билан рақиб жарима майдончасига ёриб кирди ва тўпни чап қанотда қулай вазиятда турган шериги Шоҳруҳ Гадоевга узатди. Истеъдодли ярим ҳимоячи бўш қолган дарвозани қийинчиликсиз ишғол этди. Биринчи бўлим ўрталарига келиб қўқонлик футболчилар 11-метрлик жарима тўпидан мувозанатни тиклашди.

Иккинчи бўлимда “Насаф” устози асосан ёш футболчиларни майдонга тушириб, уларнинг имкониятларини яна бир бор синовдан ўтказди. Айниқса, “Насаф” футбол мактаби тарбияланувчиси 16 ёшли Худойберди Ҳолиқовнинг тезкор ҳаракатлари рақибни йиғилганларда яхши таассурот қолдирди. Айнан у фаоллиги эвазига иккинчи 45 дақиқаликда рақиб дарвозасини ишғол этишнинг уддасидан чиқди.

Ушбу учрашувда “Насаф” футболчилари қуйдаги таркибда ҳаракат қилишди: Ўткир Юсупов, Ботир Қораев, Ҳамза Каримов, Мақсуд Каримов, Азиз Ғаниев, Эркин Бойдуллаев, Илҳом Юнусов, Баҳром Абдураҳимов, Шоҳруҳ Гадоев, Илҳом Шомуродов, Олександр Каблаш.

Иккинчи бўлимда майдонга тушганлар: Михаил Наумов, Акрам Баҳриддинов, Дониёр Нарзуллаев,  Шароф Муҳиддинов, Худойберди Ҳолиқов.

Ушбу учрашувдан кейин “Насаф” футболчилари уч кунлик таътилга чиқишди. 22 январ куни футболчиларимиз уч ҳафталик ўқув-йиғин машғулотларини ўтказиш учун Туркиянинг Анталия шаҳрига жўнаб кетишади.