"Насаф": Рой Рок Словенияда даволанмоқда

“Насаф” таркибида жамоанинг етакчи футболчиси Рой Рок давралар оралиғида тиббий текширувдан муваффақиятли ўта олмаганлиги сабабли ҳозирча клубга ёрдам бера олмайди. Айни пайтда футболчи Словенияда. Керакли муолажаларни олгандан сўнг футболчи яна қайтадан кўрикдан ўтиш учун Ўзбекистонга қайтади. “Насаф”нинг яна бир етакчи ҳимоячиси Ҳамза Каримов ҳам айни пайтда жароҳатини даволаш билан банд. Шу боис қаршилик мухлислар эртанги баҳсда уни майдонда кўрмасликлари аниқ. “Андижон”га қарши кечган учрашувнинг иккинчи бўлимда жамоамиз ярим ҳимоячиси Баҳром Абдураҳимов жароҳат олиб майдонни тарк этганди. Аммо бугун жамоанинг ўйин олдидан ўтказган сўнгги машғулотида андижонлик ярим ҳимоячи умумий гуруҳда машғулот олиб борди. Демак уни эртага майдонда кўришимиз мумкин бўлади.

“Олмалиқ” таркибида эса дарвозабон Валерий Фомичев ўтган турда “Пахтакор”га қарши учрашувда қизил карточк олганлиги боис ўйин қайдномасидан ўрин олмайди. Шунингдек, жамоа ярим ҳимоячиси Саломат Қуттибоев айнан “Пахтакор” билан бўлган ўйинда ҳакам томонидан огоҳлантириш олди. Бу ярим ҳимоячининг тўртинчи сариқ карточкаси сифатида қайд этилди ва у ҳам “Насаф”га қарши ўйинда жамоасига ёрдам бера олмайди.