UZ

Сўнгги янгиликлар

17:08"Вест Хэм" "Манчестер Юнайтед"дан япониялик дарвозабонни илиб кетмоқчи  0 16:40Де Лигт: "Манчестер Юнайтед" учун ўтган мавсум ўтмишда қолди"  0 16:13"Реал" Винисиус Жуниорга ўринбосар топди – АПЛ юлдузи устувор вариант  1 15:45Breaking! "Ливерпуль" Исак билан келишувга эришди  11 15:22ЦСКА ҳимоячиси: "Туркия чемпионати Файзуллаев учун ЖЧ олдидан трамплин бўлади"  6 14:55Суперлига қайтмоқда! 16-тур ўйинларига ҳакамлар тайинланди  3 14:34Расман: Бахтиёр Зайнутдинов – "Динамо М" футболчиси  1 13:42Мбаппенинг клуби Лига 2 га қайтмоқчи  0 13:15Холанд 5.5 миллиард сўмга сумка сотиб олди, Мбаппе ва Ашраф домино ўйнади. Футбол юлдузлари ўтган ҳафтани қандай ўтказди?  4 12:48"Ливерпуль" Исак учун рекорд сумма тайёрламоқда  3 12:20"Сабаби фақат бошда эмас. Бу ерда омиллар мажмуаси бор". Россиялик шифокор Остон Ўруновнинг жароҳатлари ҳақида гапирди  3 11:57"Реал" асосий жамоанинг 5 нафар футболчиси, жумладан, Родриго билан хайрлашишга тайёр  7 11:30Зайнутдинов тиббий кўрикдан ўтди — трансфер якуний босқичда  0 10:36"Манчестер Юнайтед" - "Вест Хэм" учрашувида рекорд қайд этилди  5 09:58"Насаф" ярим ҳимоячиси "Бунёдкор"га ўтиши мумкин  3

“Насаф” - “Қўқон-1912”. Превью Янгиликлар

“Насаф” - “Қўқон-1912”. Превью

Теглар :  Қўқон-1912Насаф
Футбол бўйича XXVI Ўзбекистон чемпионати 16-тур учрашувини “Насаф” ўз майдонида “Қўқон-1912” жамоасига қарши ўтказади.

Учрашув 6 август якшанба куни Қарши шаҳридаги “Марказий” стадионда соат 19:30да бошланади.
 
ЎзПФЛ 16-тур
“Насаф” (Қарши) – “Қўқон-1912” (Қўқон)
06.08.2017. “Марказий” стадион. 19:30да
Бош ҳакам:
Владислав Цейтлин (Тошкент)
Ёрдамчи ҳакамлар: Александр Сидоров (Тошкент), Дониёр Сайлалов (Тошкент)
Захира ҳаками: Д.Каримов (Тошкент)
Назоратчи: Дмитрий Роман (Тошкент)
ЎзПФЛ вакили: Роман Черников.

Учрашув аҳамияти ҳақида

Ушбу учрашув жамоамиз учун катта аҳамиятга эга. Бу учрашувда ғалаба қозонсак, турнир жадвалининг 2-поғонасига кўтарилиб олишимиз мумкин. Шунингдек мазкур жамоалар ўртасидаги бу баҳс, 16-турнинг марказий учрашуви ҳам ҳисобланади. 

Ўзаро учрашувлар рақамларда

Мазкур жамоаларнинг олий лигадаги ўзаро учрашувлари тарихига назар ташласак, жамоалар бунгача 15 марта туқнаш келишган. Шундан 11та учрашувда жамоамиз ғалаба қозонган. 4 учрашувда қўқонликларнинг қўли баланд келган. Энг қизиқарлиси жамоалар чемпионатдаги ўзаро учрашувларда ҳанузгача дуранг натижа қайд этиишмаган.

Тўплар нисбати бўйича ҳам устунлик жамоамиз томонида 32-19.


Биринчи даврадаги ўзаро учрашув ҳақида

Мазкур жамоалар бу йилги чемпионатнинг 1-тур учрашувини 4 март куни Қўқонда ўтказишган. Учрашувда жамоамиз 2:1 ҳисобида ғалаба қозонган. Учрашувдаги жамоамиз голларини Баҳром Абдураҳимов ва Драган Черанлар киритишган.

Ўзаро учрашувлардаги йирик ҳисоблар

Жамоамизнинг ўзаро учрашувларда қозонган энг йирик ғалабаси – 4:0га тенг. “Қўқон-1912”да бу кўрсаткич 3:0га тенг. Тарихда қолган бу учрашувлар 2003 йили бўлиб ўтган, “Насаф” – “Темирйўлчи” 4:0 учрашувида жамоамизнинг ўтмишдаги тўпурари – Зафар Холмуродов хет-трик қайд этган ва Дилшод Мавланов бир марта гол муаллифи бўлган. Иккинчи даврада Қўқонда бўлган учрашувда эса Шуҳрат Раҳмонқулов дублни нишонлаган, Шуҳрат Юсупов эса дарвозамизга битта тўп йўллаган.

Жамоаларнинг навбатдаги учрашуви 16-учрашув сифатида тарих саҳифасидан жой олади. Бу учрашув, “Насаф”нинг олий лигадаги 604- учрашуви ҳисобланади.

Ушбу  учрашув қандай ёритилади

Бўлажак учрашувни одатдагидек сайтимиз орқали тўлиқ онлайн матнли трансляция қиламиз. Учрашув “Марказий”да бўлаётгани сабаб, матнли трансляция давомида эътиборингизга суратлар ва голларни тақдим қилиб борамиз.

Азиз футбол ишқибозлари, “Марказий” сизга мунтазир!

Юқорида таъкидлаганимиздек 6 август куни бўладиган “Насаф” – “Қўқон-1912” жамоалари ўртасидаги учрашув жуда қизиқарли ва муросасиз курашларга бой бўлишига ҳеч қандай шак-шубҳа йўқ.

Мана шундай қизиқарли учрашувни “Марказий”га келиб, мисли Европача стадионда томоша қилишнинг ўзгача завқи бор. Янгиланган стадионимиз айни пайтда мамлакатимиз футбол ишқибозларининг ҳавасини ўйғотадиган даражада. Қолаверса, “Насаф” жамоамиз чемпионатимизда ҳам, кубок баҳсларида ҳам энг қизиқарли ва мухлисбоп ўйин кўрсатаётган камсонли жамоалардан бири бўлиб турибди.

Шундай экан, келаётган якшанба куни барча футбол ишқибозларини “Марказий”га таклиф этамиз.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика