"Бугун “аждарлар” қисқа танаффусдан унумли фойдаланган ҳолда, назорат учрашувида Муборакнинг “Машъал” жамоаси билан куч синашди ва якунда 3:1 ҳисобида ғалаба қозонди. Учрашувда Шоҳмалик Комилов ҳисобни очган бўлса, Шаҳзод Шайманов 11 метрлик жарима зарбасидан унумли фойдаланиб, ҳисобни тенгалаштирди. Аммо иккинчи бўлимда вакилларимиз ишончли ҳаракат қилишди. Абубакр-Ризо Турдиалиев ўз алдамчи ҳарактлари билан “газчилар” ҳимоясини доғда қолдирди ва ҳисобни 2:1 кўринишга келтирди. Беллашувдаги сўнгги голга Дониёр Нарзуллаев муаллифлик қилди. Унинг тепган тўпи рақиб дарвозасининг олис бурчагига бориб тушди", – дея хабар берди "Насаф" матбуот хизмати.
