“Насаф” иккинчи даврага тайёргарликни бошлади

Жума куни Тошкентда тиббий кўрикдан ўтган футболчиларимиз  Қаршидаги қароргоҳларида ўқув-йиғин машғулотларини давом эттиришади.

Таркибидаги ўзгаришларга тўхталадиган бўлсак, бир неча йиллар жамоа таркибида тўп тепган тажрибали футболчилар ҳимоячи Ботир Қораев Ғузорнинг “Шўртан” жамоасига, ярим ҳимоячи Илҳом Юнусов Самарқанднинг “Динамо” жамоасига мавусм охиригача ижарага берилди. Жамоамиз легионерлари Артур Геворкян ва Рок Рой яқин кунларда сафга қўшилишади. Иккинчи давра ўйинлари бошлангунига қадар таркибда яна бир қатор ўзгаришлар бўлиши кутилмоқда.

Миллий терма жамоадан чақирув олган жамоамизнинг 7 нафар аъзоси эртадан мамлакат бош жамоаси таркибида машғулотларни бошлашади. Якшанба куни футболчиларимиз “Марказий” стадионда Ғузорнинг “Шўртан” жамоаси билан назорат учрашувида майдонга чиқишлари режалаштирилган.