"Насаф" "Бунёдкор"нинг таклифига рад жавобини берди

"Бунёдкор" клуби "Насаф"нинг икки нафар аъзоси Шоҳруҳ Гадоев ва "СА" талқини бўйича йилнинг энг яхши ҳимоячиси деб топилган Шуҳрат Муҳаммадиевни ўз сафига қўшиб олишни мақсад қилганди. Улар бу борада "аждарлар"га расмий таклиф билан чиқишган.

Биз ушбу ҳолат бўйича "Насаф" спорт директори Виталий Нига мурожаат қилдик:

"Шоҳруҳ Гадоев ва Шуҳрат Муҳаммадиевларнинг "Насаф" билан амалда шартномалари мавжуд ва биз уларни "Бунёдкор"га қўйиб юбормаймиз. "Насаф"нинг ўзига ҳам бу иккала футболчилар зарур. Кейинги йили жамоамиз ОЧЛда юртимиз шарафини ҳимоя қилади. Шу боис, биз уларга рад жавобини бердик", - дейди "Насаф" спорт директори Виталий Ни.