“Насаф” бугун иккита ўртоқлик учрашуви ўтказди

“Пахтакор” жамоаси билан бўлган ўртоқлик учрашуви 2:2 ҳисобида якун топди. Учрашувдаги "Насаф" голларини Огнен Красич ва Дониёр Нарзуллаев уришди.

Ушбу учрашувда жамоа таркибида бир қатор ёш футболчилар майдонда ҳаракат қилишди. Жумладан,  Жўрабек Маннонов, Акбар Муродов, Наврўз Изатиллаев ва Акмал Олимов. Улар бугун жуда яхши ўйин кўрсатишди.
 
Тушдан кейин “Бунёдкор” футбол академияси майдонида “Обод” жамоаси билан бўлган ўртоқлик учрашувида "Насаф" 3:1 ҳисобида ғалаба қозонди.  Бу учрашувдаги жамоа голларига Шахбоз Эркинов, Драган Черан ва Ильдар Маматказин муаллифлик қилишди.
 
Иккинчи назорат учрашувида ҳам юқорида номлари тилга олинган ёш  футболчилар қаторида Дилшод Хушбаков ҳам тўп тепди.
 
Шуниси диққатга сазоворки, клубимиз қошидаги футбол мактабида етишиб чиққан ёш футболчилар, бугунги учрашувда асосий таркиб ўйинчилар билан ҳамжиҳатликда ҳаракат қилишди.
 
Жамоа ўйинчиларига бугун қисқа муддатли дам олиш эълон қилинди. Энди “Насаф” жамоаси 14 ноябрь куни Қарши шаҳридаги ўз қароргоҳида тўлиқ йиғилади.
 
"Насаф" шу кундан, 18 ноябрь куни “Сўғдиёна” жамоаси билан бўладиган ўйинга тайёргарликларни давом эттиради.