Мусаев "Сепахан" билан янги мавсумга тайёргарлик кўрмоқда

У "Сепахан" билан Туркияда машғулотларда қатнашди. Ўтказилган уч назорат ўйинининг барчасида дастлабки дақиқалардан майдонга туширилди. Бу учрашувларда қуйидаги натижалар қайд этилди:

"Cепахан"  Тринидад ва Тобаго олимпия  1:2
"Сепахан"  "Мерсинспор"  2:0
"Сепахан"  "Олтин Ўрду"  3:3

Эрон чемпионати 30 июль куни старт олади. Шу куни исфахонликлар Хузистоннинг "Истиқлол" жамоасини қабул қилишади. Чемпионат баҳслари февраль ойида якунига етади. Бунга сабаб терма жамоанинг ўйинларига муносиб тайёргарлик кўриш, ўта иссиқ пайтда ва Рамазон ойига яқин муддатда учрашувлар ўтказмасликдир.