UZ

Муҳсин Муҳаммадиев Москвада. “Бухоро”ни ким шуғуллантирмоқда? Янгиликлар

Муҳсин Муҳаммадиев Москвада. “Бухоро”ни ким шуғуллантирмоқда?

Барча жамоалар ўз қароргоҳларида 13 июндан рестарт оладиган Суперлига баҳсларига тайёргарликни олиб боришмоқда.

“Бухоро” жамоаси ҳам йиғинга киришди ва маҳаллий футболчилар билан машғулотларни бошлаб юборди. Ҳозирда бош мураббий Муҳсин Муҳаммадиев Москвада эканлиги боис, футболчиларга Мирислом Ҳасанов бошчилик қилмоқда. Тожикистонлик мутахассис биз билан суҳбатда бўлажак режалар, тақвим ва ҳозирги вазият ҳақида батафсил фикрларини билдириб ўтди.

“Жамоамиз машғулотларга киришганига уч кун бўлди. Биринчи кун футболчилар асосан енгил югуриш машқлари билан чекланди. Тақвим бўйича 15 июнь куни “Андижон” жамоаси билан ўйнашимиз керак. Менимча, баҳс Муборакда бўлиб ўтади. Чунки, биласиз уй майдонимиз чими ҳали тўлиқ тайёр эмас. Бу нарса мавсум бошланишидан олдин маълум эди. Ҳозир шунақа форс-мажор ҳолатидамиз.

Мен оилам билан Москвадаман. Коронавирус туфайли тўғридан-тўғри рейслар қолдирилган. Менинг ўрнимга вақтинчалик ёрдамчим Мирислом Ҳасанов бошқариб туради, дарвозабонлар билан Нурилло Ҳабибов ишлайди.


фото: Мирислом Ҳасанов


Клублар мураббийлари билан видеоконференция орқали гаплашдик, фикрлашдик. Айримлар 11 июндан давом эттиришни таклиф қилди, яна кимдир 15 июндан деди. Менинг фикримча бу сана ҳали бироз эрталик қилади. Боиси, икки ҳафта ичида футболчиларни ҳар томонлама тиклаш қийин. Балки, мен ноҳақдирман. Лекин, 13-санага қадар жисмоний ҳолатни маромига келтириш мураккабдир. Жароҳатлар кўп кузатилиши эҳтимоли ҳам катта бўлади бунақа шароитда. Жаҳонда ҳам камида уч ҳафта ёки 1 ой вақт беришади. Бизнинг жамоа тайёргарликни 1 июнда бошлади.

Мавсумни омадсиз бошладик. Қолган учрашувларда ғалаба қозониб мухлисларни хурсанд қилиш учун ҳаракат қиламиз. Бу йил таркибимиз 90 фоизга янгиланди. Ижарадагилар ва шартномаси тугаганлар кетди. Маҳаллий ўйинчиларга эътибор бермоқчимиз. Бухорода иқтидорли футболчилар кўп”,- дейди Муҳсин Муҳаммадиев.

Абдулазиз Искандаров ёзиб олди

Рейтинг: +2   

Фикрлар

+2   
03 июн 13:13:17
ShaxriKESH
Агарда кайтиш нияти булганда кайтарди. Деярли хар куни Чартерный рейс бор Москвадан.
+2   
03 июн 11:22:22
xXx
Kelmasayam mayli edi, umuman o'rni yoq buni
Xozirgi natijani (yutqazishni va oxirida oliy ligada bir iloj qib qanaqa yo'l bn bolsayam qib qolishni) murabbiysizam qiloladi buxoro
+1   
03 июн 10:53:51
Yodgorov85
Бухоро жамоамиз омад тилйман олга йигитларрррррррррр
+1   
03 июн 10:35:12
Super Pippo
Ko'proq malumot beringlar buxoro jamoasi haqida..
   
05 июн 19:49:55
SHASHON
Muxsin aka buxoro muxlislari nomidan iltimos qilaman maskvada qoling buxoroga sizdek muranbiy kerak emas
   
03 июн 10:44:54
Барса 1984
Бухоро жамоаси омад (Сурхон мухлиси)
   
03 июн 10:13:44
Улугбек Рахимов
Омад тилаб коламиз биз мухлислар галабали онларни согиндик хозирги жадвалдаги урнимиз Бухорога асло ярашмайди мехнат килиш керак тугри тактика ва жамоавий уйинни шакиллантиринг булар энди олди кочди габлар
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг