Моуриньо Алдервейрелдни “МЮ”да кўрмоқчи
21 май 2018 22:50
Янгиликлар

Моуриньо Алдервейрелдни “МЮ”да кўрмоқчи

“Тоттенхэм” ҳимоячиси Тоби Алдервейрелд фаолиятини “Манчестер Юнайтед” клубида давом эттириши мумкин.

Бельгиялик 29 ёшли футбол “Қизил иблислар”нинг ёзги трансфер бозоридаги асосий нишони бўлиб турибди. Тобини “МЮ” либосида кўришни шахсан Жозе Моуриньонинг ўзи истаяпти.

Эътиборлиси, Алдервейрелднинг ўзи ҳам “Олд Траффорд”га кўчиб ўтишга қарши эмас. У шу мақсадда “Тоттенхэм” томонидан таклиф этилган янги шартномага рози бўлмади.

Ҳимоячининг “шпорлар” билан амалдаги шартномаси 2019 йилгача мўлжалланган. Музокаралар осон кечмаслиги аниқ. Боиси, “Тоттенхэм” президенти Дэниэл Леви Алдервейрелдни 75 миллион фунт стерлингдан камига сотмоқчи эмас.