Модрич: "Мен доимо "Реал" мухлиси бўлиб қоламан"
11 июл 23:14
Янгиликлар

Модрич: "Мен доимо "Реал" мухлиси бўлиб қоламан"

Лука Модрич "Реал"даги фаолиятини баҳолади.

Аввалроқ, 39 ёшли яримҳимоячи 13 йиллик фаолиятидан сўнг Мадрид клубини тарк этган эди. 2012 йилдан бери "оқ кийимлилар" таркибида футболчи 28 та унвонни, шу жумладан Чемпионлар Лигасининг 6 та бош совринини қўлга киритди.

"Айтиш қийин, бу аралаш ҳис-туйғулар. Унутилмас, шон-шуҳратли ва ғалабага бой давр ўз якунига етди.
Бошимдан ўтказганларим менга катта қувонч бағишлайди. Бу ерда эришган барча ютуқларим ҳақидаги хотиралар мени жуда бахтли қилади, гарчи буларнинг барчаси ортда қолган бўлса ҳам.
"Реал"да мен ҳам ўйинчи, ҳам инсон сифатида камол топдим. "Реал Мадрид" менга футболда ҳамма нарсани берди ва бунинг учун умрбод миннатдор бўламан.
Мен доимо "Мадрид"га мухлис бўлиб қоламан," - деди Модрич.

Ҳавола :

Манба : Marca

Янгиликларни Телеграмда ўқинг!

Рейтинг: +4