Мочинов ва Курлаев тандеми энди “Обод”да

Мухлисларимизга яхши таниш бўлган Александр Мочинов ва унинг ёрдамчиси Анатолий Курлаев маълум муддатлик мажбурий таътилдан сўнг яна мураббийлик соҳасида иш бошлади.

Айтишларича, “Обод” ўз уйида “Шўртан”га имкониятни бой бергач,клуб раҳбарияти мураббийлар штабига Мочинов ва Курлаев тандемини киритишга қарор қилган.
Бунгача жамоа натижаларига масъул бўлиб келган Бобур Зуҳриддинов ҳам жамоада қолиб, ўз фаолиятини давом эттираётганини ҳам айтиб ўтиш лозим. Кеча машғулотларга Мочинов бошчилик қилган.

Мураббий сифатида бунгача “Оқ-тепа”, “Бунёдкор”, “Бухоро” ва “Сўғдиёна” каби жамоаларда бош мураббий ва ёрдамчи сифатида фаолият юритган Александр Владимировични яқинда Россиянинг “Краснодар” футбол академиясида ишлаш учун жўнаб кетгани тўғрисида хабарлар пайдо бўлганди. Бироқ мана кўриниб турибдики, Мочинов юртимизда.  

Эслатиб ўтамиз булардан сал аввал дарвозабонлар билан ишловчи мураббий Игорь Михайлов ҳам “Обод” таклифини қабул қилганди.