"Тезкор гол режалаштиримизга яхшигина таъсир қилди. Шундай вазиятларда қандай жамоа эканлигимизни, иродамизни кўрсатишимиз керак эди. Мухлислар 10 киши бўлиб қолганимизни билинтиришмади. Ҳар дақиқада бизни олдинга боришга мажбур қилишди", - дейди Жасур Жалолиддинов.
- Пенальтилар сериясида ғалаба қозонишимизга ишонч қай даражада эди?
- Қўрқув йўқ эди. Жамоадаги ҳар бир футболчи ғалабадан бошқа нарса ҳақида ўйлагани йўқ.
- Ўйин давомида асабийлашиш ҳолатлари кўп кузатилди. Ҳакамлик ҳақида нима дея оласиз?
- Ҳакамлар ўз ишини бажарди. Бу - футбол. Ҳиссиётларни гоҳида жиловлаш қийин. Шуниси билан футбол қизиқ.
- Йўқотишлар ҳақида...
- Захирамизда сафдан чиққанларнинг ўрнини тўлдирадиган футболчилар бор. Кучли томонимиз ҳам шунда, деб ўйлайман. Абдувоҳид Неъматов, Владимир Назаров барча бир-бирини қўллаб-қувватлайди.
