Миржалол Қосимов: "Эртага ғалаба қозониб мухлисларни хурсанд қилмоқчимиз"

“Иордания яхши жамоа. Аммо биз эртага 0:0 учун эмас ғалаба учун майдонга тушамиз. Йигитлар ҳам бунга тайёрлар. Тошкентда янада кучлироқ ўйнашга ҳаммамиз тайёрмиз. Мақсад мухлисларни хурсанд қилиш”, - дейди Қосимов.

- Уларни йўқотадиган нарсаси йўқ...
- Бунинг учун ўзимиз илк дақиқалардан ташаббусни қўлга олишимиз ва ўз бахтимизни уларни дарвозаси ёнидан қидиришимиз керак.

- Ҳимояда муаммо йўқ эмас. Айниқса Иорданиядаги ўйинда қарши ҳужумни ўтказиб юбордик.
- Қарши ҳужумни ўтказиб юбормаслигимиз керак. Иорданиядаги ўйинда бир нечта шундай вазиятда яхши ҳаракат қилдик. Дарвозабон борасида ҳам муаммо йўқ.

- Бурчак тўпларидан унумли фойдаланиш имкониятимиз камайиб кетди, нольга тенг десак ҳам бўлади.
- Бу борада ишлаяпмиз. 8та бурчак зарбасини амалга оширган бўлсак, шундан ярми унумсиз бўлди.

- Биринчи ўйиндан келиб чиқиб Зуҳуровдан қаноат ҳосил қилдингизми? Дарвозабон масаласи ёпилдими? Нагаевни қолиб кетиши режангизга ўзгартириш киритдими?
- Зуҳуровдан қониқиш ҳосил қилдим. Эртага ҳам агар жиддий муаммо бўлмаса Мурод туради. Нагаевни эса ҳақиқатан ҳам иккинчи бўлимда майдонга туширишни мақсад қилган эдим.

- Бақоев ва Насимовни бирга кўрамизми? Кейин асосан ҳужумлар қанотдан уюштириляпти.
- 1 ўйинда ҳужумчиларга кўп ҳам пас келмагани учун унумдорлик бўлмади. Бунинг учун кўпроқ тўп билан муомалада бўлишимиз керак.

- Одил аслида бизни 0:0 ҳам қониқтиради. Сизнингча 2:0 ҳисобида ғалаба қозонишга кучимиз етадими?
Одил Аҳмедов: - Тўғри. лекин бундан ҳам кўп гол уришимиз мумкин. Эртанги мақсад ғалаба қозониш ва биз мухлисларни қувонтиришимиз керак.