Миржалол Қурбонов: "Дуранг адолатли натижа бўлар эди"
11 июн 2016 17:03
Янгиликлар
Миржалол Қурбонов: "Дуранг адолатли натижа бўлар эди"
“Қўқон-1912” жамоасининг етакчи ўйинчиларидан бирига айланган Миржалол Қурбонов, “Нефтчи”га қарши ўйин ҳақида фикрларини баён қилди.
-Ўйин ҳақиқий дербига мос жудаям шиддатли бўлиб ўтди. Биз ҳам рақибларимиз ҳам бор кучлари билан ғалаба қозониш учун ҳаракат қилдик. Фақатгина бироз омад туфайли бу ўйинда “Нефтчи” ғалаба қозонди деб ўйлайман. Аслида дуранг адолатли натижа бўлар эди. Биз голли вазиятларни етарлича яратдик, айрим вазиятларда Ўткир Юсупов маҳорат кўрсатди. Ўйлайманки кўрсатган ўйинимиз мухлисларимизга ёқди. Шу ўринда бизни қўллаш учун Фарғонага борган мухлисларимизга миннатдорчилик билдирмоқчиман.
Мени соғлигим учун қайғураётган мухлисларимга шуни маьлум қиламанки, кеча олган жароҳатим унчалик жиддий эмаслиги аниқ бўлди, - дейди Қурбонов.
"Қўқон-1912" матбуот хизмати
Ўхшаш янгиликлар
championat.asia
Лёв ёки Билич келишига Кападзе нима дейди?
Терма жамоага хорижлик мураббий керакми?
Йоахим Левга яқин манба Ўзбекистон билан музокаралар бўлаётганини тасдиқлади, мураббийга маслаҳатчи лавозими таклиф қилинган – Sport24
Роналду – энг яхши!
Фикрлар