Миржалол Қосимов: "Рақиб 10 киши бўлиб қолганига қарамай бизга қийинчилик туғдира олди"

Ўйин ҳақида

- Ҳар бир баҳс осон ўтаётгани йўқ. Чемпионатда курашларга бой ўйинлар кўп бўлмоқда. Ўз имкониятлардан фойдалана олган омадли жамоа ғалабага эришмоқда. Бугун ҳам шу каби ўйин бўлди, осон ўтгани йўқ. Мавсум стартини яхши бошлай олмадик, ҳозирда бизга очколар жуда зарур. Ҳар бир ўйинда ғалаба учун майдонга чиқишимиз, мухлисларимиз олдида юзимиз ёруғ бўлиши учун ҳаракат қилишимиз зарур. 

Бугунги ўйин тенг курашлар остида бошланди. Биринчи голни урганимиздан сўнг бир оз енгиллик биз томонга ўтди. Раҳматуллаевнинг қизил карточкаси бизга ўйинни назорат қилишимизга хизмат қилди. Лекин "Қўқон-1912" охиригача кураш олиб борадиган яхши жамоа эканини билардик. Улар 10 киши бўлиб қолганликларига қарамай бизга қийинчилик туғдира олишди. Энг муҳими 3 очкони қўлга киритдик. Эндиликда навбатдаги тур учрашувларига тайёргарликка киришамиз. Олдинда бизни "Пахтакор"га қарши ўйин кутиб турибди. Май ойида зич тақвим, иложи борича кўпроқ очко жамғаришимиз зарур. Шу ўринда бизни қўллаб-қувватлаган мухлисларимизга миннатдорчилик билдираман" - дейди олмалиқликлар бош мураббийи.