UZ

Сўнгги янгиликлар

13:50Факт. Ўзбекистон Тошкентда Эронни ютмаган. Нохуш анъана тугайдими?  4 13:20Томас Тухель: "Идеал ўйин йўқ, аммо жамоам кўп яхши томонларни кўрсатди"  0 12:50Роберт Левандовский 2025/26 йилги мавсумдан сўнг "Барселона"ни тарк этиши мумкин  3 12:16ОЧЛ-2. "Аркадағ" - "Андижон" учрашувини сингапурлик ҳакам бошқаради  7 11:47U-23 Осиё Кубоги саралаш босқичи. Қирғизистон билан дуранг ўйнаган Ўзбекистоннинг гуруҳида вазият қандай?  14 11:20Ислом Исмоилов Канада билан ўйиндан сўнг: "Пенальтилар серияси доим режамизда бўлади"  1 10:45Саудия клублари Ҳарри Магуайрга қанча маош таклиф қилгани маълум  1 10:09Вильям Салиба қанча муддатга сафдан чиққани маълум  2 09:30Here we go! Онана "Манчестер Юнайтед"ни тарк этмоқда  21 08:58"Ал Аҳли" Франция U-21 аъзосини 25 миллион еврога сотиб олди  3 08:17Роналду Мессидан ўтиб кетди  22 07:50ЖЧ-2026 саралаши. Португалия Арманистон устидан 5:0 ҳисобида ғалаба қозонди, Англия Андоррани енгди, Сербия эса Латвиядан устун келди  9 07:35Дембеленинг жароҳати жиддий бўлиб чиқди. Унинг қанча муддатга сафдан чиққани эълон қилинди  5 23:05Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  15 22:31Данни Блинд "Аякс"ни тарк этади  2

Миржалол Қосимов: "Автобус"ни ёриб ўтиш ҳар доим қийин бўлган" Янгиликлар

Миржалол Қосимов: "Автобус"ни ёриб ўтиш ҳар доим қийин бўлган"

Coca Cola Суперлига 1-тури доирасида "Сурхон"га қарши ўйиндан кейин ОКМК бош мураббийи Миржалол Қосимов ўз фикрларини билдирди.


"Ўзбекистон чемпионати бошлангани билан барча оммавий ахборот воситаларини табриклайман. Ўйинга келадиган бўлсак,  "Сурхон" жамоасининг стандартларга ва қарши ҳужумларга кўпроқ эътибор беришини билар эдик. Ўйлаганимиздек бўлиб чиқди. Биринчи бўлимда ўзимизни оғир вазиятга солиб қўйдик. Шунга қарамай хотиржам тарзда ўйинимизни давом эттирдик. Бу албатта ўз самарасини берди. Лекин оддий тилда айтганда "автобус"ни ёриб ўтиш ҳар доим ҳам қийин. Битта хато қимматга тушиши мумкин эди. Жиддий тайёргарлик кўрган эдик. Худога шукур, йигитлар иккинчи бўлимда кескин, янада тезроқ ўйнаб вазиятлар яратишди ва имкониятдан фойдаланишди. Албатта янада кўпроқ уришимиз керак эди. Лекин  "Сурхон" футболчиси бирга-бир вазиятда дарвозани ишғол қилганда ҳар хил ҳолат юзага келиши ҳеч гапмасди. Бу ўйин тарихда қолди. Навбатдаги ўйинга янада жиддий тайёргарлик кўриш керак. Март ойида ҳали ҳамма жисмонан юз фоиз тайёр эмас. Шу ўйинлар орқали жамоа спорт формага кириб олади", - дейди Миржалол Қосимов

- Сизни бутун ўйин давомида кузатиб ўтирдим. Ўйин бошида ҳам, ҳисоб очилганда ҳам хотиржам эдингиз. Лекин 2:1, 3:1 бўлгач асабийлаша бошладингиз. Бу нима билан боғлиқ?

- Мавсум энди бошлангани билан боғлиқ. Футболчиларда бўлгани каби менда ҳам ҳаяжон бўлиши мумкин. Ритмдан чиқиб кетилган. Охирги ўйинимиз ноябрь ойида бўлганди. Биз ҳам инсонмиз. Сабабини айтишим мумкин, биринчи бўлим, чемпионат бошланишида нимадир ўхшаши ёки ўхшамаслиги мумкин. Иккинчи бўлимда ҳисобда олдинга чиқиб олдик. Футбол 90 дақиқа ўйналади. Ҳали мақсадга эришилмаганди.  Бироз хотиржам бўлсангиз рақиб жазолайди. Футбол ҳеч қачон кечирмайди. Майдонда охиригача ўйнаш керак. 

- Ўтган йилги АГМК билан бу йилгини солиштириб кўрдик. Ўтган йили таянч зонасида Ойбек Рустамовни кўришни истаган эдингиз. Бу йил бу трансфер амалга ошди. Захира ўриндиғи ҳам кенгайди. Чемпионлик учун курашда ОКМКни кўришимиз мумкинми?

- Ҳар доим олдимизга чемпионлик,  юқори мақсад қўямиз.  Лекин кутилмаган вазиятлар бўлиши мумкин. Сизлар таркибни кўриб хулоса қиласизлар.  Бу футболчи бошқа жамоадан, яна бири бошқа жамоадан келганига қарайсиз. Имкон қадар таркибни кучайтиришга ҳаракат қилдик. Лекин жамоани тарк этганлар ҳам бўлди. Ҳар йили бўлади. 2019 йил ҳам айтганман, 30-40 фоиз футболчилар Олмалиқни ўзидан чиқса нимадир дейиш мумкин. Ҳар мавсум футболчиларга биздан яхши таклифлар бўлади. Футболда бир-бирини тушуниши учун ҳам вақт керак. Жамоага 5 нафар янги футболчи келса, қолганлар билан имконияти билан тўғри келиши керак. Аввалги йил 7-8 нафар футболчи кетди. Тўлдиришга ҳаракат қиламиз. Лекин мақсадимиз чемпионликка қаратилган. Тарих яратиш. Бошқа нарса йўқ.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика