Мирас Карлибоев ҳакамлар қизил карточка кўрсатаверишидан нолиди
07 июн 2018 13:25
Янгиликлар

Мирас Карлибоев ҳакамлар қизил карточка кўрсатаверишидан нолиди

"Орол" жамоаси ярим ҳимоячиси Мирас Карлибоев билан нима учун тез-тездан қизил карточка олиши ҳақида суҳбатлашдик.

"Очиғини айтсам ҳакамлар мени жуда яхши таниб олишган шекилли. Мен озгина қўполлик қилсам ҳам дарров майдондан четлатишяпти. Тўғри тан оламан бироз қизиққонроқман ва ҳакамлар билан тез-тез айтишиб қоламан. Бироқ бошқа футболчилар шундай қўполлик қилишса уларга сариқ карточка берилади, мен қўполлик қилсам дарров қизил карточкани чўнтакларидан чиқаришади.

"Динамо" билан учрашувда захирадан ўйинга тушганимга 1 дақиқа ҳам бўлмаган эди, ҳакам қизил карточка берди. Бунинг учун мухлислардан узр сўрайман. Лекин ўша вазиятда қизил карточкага м,уносиб эмас эдим", дейди Мирас Карлибоев.

Фурқат Юсупов суҳбатлашди

Ҳавола :

Манба : championat.asia

Янгиликларни Телеграмда ўқинг!

Рейтинг: